Lucy (espazio zunda)
Lucy, 2021eko urriaren 16an NASAk jaurtitako espazio zunda estatubatuar bat da. Bere betebeharra, hamabi urtetan asteroide gerrikoan dagoen gorputz bat eta bost Jupiterren troiar aztertzea da.[1] 2017ko urtarrilaren 4an izendatu zuten proiektu egingarri gisa, Psyche misioarekin eta NASAren Discovery Programaren 13. eta 14. misioekin batera.[1][2]
| Lucy (espazio zunda) | |
|---|---|
 | |
 | |
| Fabrikazioa | |
| Fabrikatzailea | Lockheed Martin |
| Jatorrizko herrialdea | Ameriketako Estatu Batuak |
| Kostua | 981.000.000 $ |
| Historia | |
| Espazio jaurtiketa | 2020ko urria |
| Kudeatzailea | NASA eta Southwest Research Institute (en)  |
| Honen parte | Discovery Program (en) |
| Ezaugarriak | |
| Energia-iturria | Panel fotovoltaikoa |
| Dimentsioak | 13 ( ) × 3,78 ( ) × 7,19 () × 14,25 ( ) × 2,78 ( ) m |
| Masa | 821 kg eta 1.550 kg |
Misioak 'Lucy' hominido-eskeletoaren izena darama, asteroide troiarren azterketak "planetak eratzeko fosilak" erakuts ditzakeelako (eguzki-sistemaren hasieran planetak eta beste gorputz batzuk osatzeko bildu ziren materialak osatzen baitituzte).[3] Australopithecusa bera, aldi berean, The Beatlesen "Lucy in the Sky with Diamonds" abestiagatik izendatu zuten.[4]
Misioa aldatu
2027an helmugara iristeko (Lagrange L4) 2021ean jaurti zuten zunda. Bertan dago troiar hodeia (Jupiterren aurretik 60º inguru orbitatzen dituen asteroide taldea). Baina 2025a baino lehen, barneko gerriko nagusiko asteroide batetik- 52246 Donaldjohanson- hegan egingo du, Lucy hominido fosilaren paleoantropologo aurkitzailearengandik bere izena jaso zuena.[5] L4ra iristean, lau asteroide troiar, 3548 Euribates, 15094 Polimele, 11351 Leuko eta 21900 Orus gaindituko ditu.[1] Ondoren, Lurraren inguruetara itzuliko da, eta bertan grabitate laguntza jasoko du Lagrange L5 gunera eramateko, bertan baitago beste troiar hodeia (Jupiterren atzetik 60 ° ingurura dagoena); han, 617 Patroklo troiar bitarraren gainetik hegan egingo du. Ondoren, L4 eta L5 puntuen artean txandakatuko da sei urtean behin, gutxi gorabehera.
Erreferentziak aldatu
- ↑ a b c (Ingelesez) Chang, Kenneth. (2017/01/06). «A Metal Ball the Size of Massachusetts That NASA Wants to Explore» The New York Times.
- ↑ (Ingelesez) Northon, Karen. (2017-1-4). «NASA Selects Two Missions to Explore the Early Solar System» NASA.
- ↑ (Ingelesez) Witze, Alexandra. (2015-3-16). «Five Solar System sights NASA should visit» Nature.
- ↑ Johanson, Donald C.; Wong, Kate. (2010). Lucy's Legacy: The Quest for Human Origins. Crown Publishing Group, 8–9 or. ISBN 978-0-307-39640-2..
- ↑ (Ingelesez) Dreier, Casey; Lakdawalla, Emily. (2015-9-30). NASA announces five Discovery proposals selected for further study. in: The Planetary Society..
Kanpo estekak aldatu
Datuak: Q21076293
Multimedia: Lucy (spacecraft) / Q21076293
