Lourdesko Ama Birjinaren eliza (Urretxu)
Lourdesko Ama Birjinaren eliza Gipuzkoako Urretxu udalerrian dagoen eliza bat da, Urola Garaia eskualdean. Lourdesko Ama Birjinaren omenez sagaratua dago.
Lourdesko Ama Birjinaren eliza (Urretxu) | |
---|---|
Kokapena | |
Herrialdea | Euskal Herria |
Probintzia | Gipuzkoa |
Udalerria | Urretxu |
Koordenatuak | 43°05′20″N 2°19′20″W / 43.088825°N 2.32225°W |
Historia eta erabilera | |
Erlijioa | katolizismoa |
Elizbarrutia | Donostiako elizbarrutia |
Urretxutik Santa Barbara baselizara doan errepidearen abiapuntuan dago, herrian bertan eta Ipeñarrieta kalean.
1945-1950 artean "Zuloeta" edota "Pagoeta" deritzon mendi tartean neogotiko estiloan eraikia. Elizaz gain multzoa konbentua eta gerora ikastola bilakatutako ikastetxearen eraikinak osatzen dute. 1935ean Aita Pasionistek eraikitako antzinako konbentuaren solairuan altxatua dago.
Aurrealde nagusia, kanpandorrea ez beste harginlanez egina dago. Alboetan hargilana lehen solairurarte iristen da.
2021ean, elizako eraikina bost urterako utzi zioten udalaren esku[1].
Erreferentziak aldatu
- ↑ Muriana, Gurutze. «Urretxuko Lourdesko Ama elizan gaur eman dute azkeneko meza» EITB 2021-06-27 jatorrizkotik artxibatua (artxibatze data: 2022-05-19) (Noiz kontsultatua: 2023-07-26).