Lekunbizko geltokia

Lekunbiz
	Geraleku zaharraren ikuspegia
	Kokapen mapa
Lineak
Kokapena
Helbidea	Lekunbiz auzunea, 7; 48170
Udalerria	Zamudio, Bizkaia
Geltokiaren datuak
Kodea	LK
Gunea	2. gunea
Irisgarria
Nasak	1
Trenbideak	1
Jabea	Euskal Trenbide Sarea
Eragilea	Eusko Trenbideak
Garraio zerbitzuak
EuskoTren	Kukullaga ↔ Lezama

43°17′12″N 2°52′29″W / 43.286743°N 2.874617°W

Lekunbiz edo Lekunbiz-Zamudio Euskotrenen E3 lineari dagokion lurgaineko tren geralekua da, Zamudio udalerriko Lekunbiz auzoan kokatuta dagoena, Ugaldeguren III industrialdearen inguruan, hain zuzen ere. Bizkaiko Garraio Partzuergoaren 2. tarifa-gunearen barruan dago.

Kokapena

Trenbide kokapenari erreparatuz, geltokia zabalera metrikoa (1.000 mm) duen Bilbo-Lezama trenbidearen parte da, 9,232. puntu kilometrikoan kokatuta.^[1]

Sarbideak

Sarbide eta nasa bakarreko geralekua da, eta sarbidea arrapala bidez egiten da.

Lekunbiz auzunea, 7; BI-737 , Txorierriko etorbidea

Geltoki berria

2017an Bilboko metroaren 3. linea martxan jartzearekin batera, E3 linea Metro sarean integratu zen. Hala, Lezamatik Bilbora doazen trenak Metro sarearen barruan ibiltzen dira, Metro zerbitzua lortzeko maiztasunak tren hauek erabiltzen direla, besteak beste. Trenbide berri honetan ibiltzeko Euskotrenen 950 serieko tren unitateak erabiltzen dira. Tren unitate hauei egokitzeko eta geltokiari irisgarritasun neurriak gehitzeko, Euskal Trenbide Sareak geltokian eraberritze-lanak esleitu zituen 2016ko amaieran. Hala, geltokia zaharberritu zen, eraikin eta markesina berriak eraikiz eta nasaren altuera handituz, tren serie berrira egokitzeko.^[2]

Gainera, txartel-salmenta makina automatiko berriek mugikortasun urriko pertsonentzako irisgarritasun materian estandarrak betetzen dituzte, entzuteko desgaitasuna duten pertsonentzako T moduko bukle magnetikoa daukate, Braille serigrafiak interakzio elementu guztietan (botoiak, txarteldegiak, eta abar), eta itsumen eta ikusteko desgaitasun handia duten pertsonei egokitutako salmenta softwarea.^[3]

Bestalde, Derio eta Zamudio artean trenbidea berriztatzeko lanak egiten ari dira bi kilometroko luzeran. Lan horien barruan, balastoa, trabesak eta erraila kendu eta horien ordez material berria jarriko da.^[4]