Leioako Arboretuma

Leioako Arboretuma
	Irudi gehiago
Kokapena
Herrialdea	Euskal Herria
Probintzia	Bizkaia
Herria	Leioa
Koordenatuak	43°19′43″N 2°58′06″W / 43.328703°N 2.968388°W
Inaugurazioa	2008ko azaroaren 4a
Arkitektura
Azalera	19 ha

Leioako Arboretuma Leioako EHUren kanpusean dagoen arboretum edo parke bat da, kanpuseko eraikinetatik hegoalderanzko maldetan, Leioako Lertutxe auzora luzatzen dena, Lertutxeko urtegia ere bere baitan hartzen duelarik. 19 hektareako azalera du, eta 6 hektarea urtegiari dagozkio. 2008an inauguratu zen^[1].

Natura aldatu

Lurrean, 420 espeziea eta barietateko 2.000 zuhaitz eta zuhaixka baino gehiago daude. Parte bat naturala da nolabait, Lertutxe errekastoaren inguruan berez garatutako haritz eta haltzez osatutako baso txiki bat da. Gainerakoa, bilduma botanikoek betetzen dute, jatorri geografikoaren araberakoak; esate baterako Ipar Amerikako bilduma, bidkuma mediterraneoa edo bilduma autoktonoa.

2012tik aurrera, tarteka, Bizkaiko Foru Aldundiak animalia basati autoktonoak askatzen ditu parkean: urubiak, zapelatz liztorjalea, apo hontzak, apoarmatu korrontezaleak...

Osagarriak aldatu

Parkean ibiltzeko ibilbideek 3 kilometro luze dira. Horien bidez beste zenbait egituratara ere irits zaitezke:

Oroitzapeneko bilduma botanikoa, non EHUko honoris causa doktoreek landatutako zuhaitzak dauden.
Erakusketa pabilioi bat.
Bizitzaren Basoa, non gorputza zientziari eman diotenen errautsak gordetzen diren^[2].
Anfiteatro garaikide bat, 600 lagun eserita har ditzakeena^[3].
Euskararen espirala, 2010ean irekitako oroigarri bat, 1979/1980 ikasturtean han ondoan EHUko lehenbiziko euskarazko zientzia ikasketak hasi zirela ospatzeko egina.
Bizkaiko ibilbide geologikoa. 19 arroka sedimentarioz eta bolkanikoz osatutako bidea, Bizkaian azaleratutako zaharrenetatik hasira (duela 215 milioi urteko arrokak).
Heliosziametroa, eguzki-egutegi eta eguzki-ordulari konplexu bat^[4].