Latasako geltokia

Latasa Euskal Herriko Nafarroa Garaiko tren geltoki zahar bat da, Imotz ibarreko Latasa herrian kokatuta dagoena.

Latasa
Lineak
Irurtzun ◄   ► Mugiro
Kokapena
Helbidea	Plazola kalea, 6; 31869
Udalerria	Imotz, Nafarroa
Geltokiaren datuak
Irekiera	1914ko urtarrilaren 19a
Itxiera	1958ko irailaren 5a
Nasak	2
Trenbideak	2
Jabea	Nafarroako Gobernua

Gaur egun, Plazaolako bide berdearen barruan dago.

Historia

Iruña-Donostia burdinbideko Plazaola eta Iruña–Hiria geltokien arteko zatia 1914ko urtarrilaren 19an inauguratu zen.

1953ko urriaren 13 eta 14 artean eginiko euriteen ondorioz burdinbidearen azpiegitura oso kaltetuta geratu zen (euste-hormak, lubetak, zubiak...). Jabea zen enpresak hainbat saiakera egin zituen tokiko erakundeekin, azpiegitura konpontzeko asmoarekin. Baina, negoziazio hauek ez zuten emaitzarik eman eta zerbitzua geldi geratu zen, uholdeek eragindako kalteak ez zirelako konpondu.

Dena den, trenak jarraitu zuen zenbait zerbitzu lokal egiten zazpi urtez, esate baterako Elduain eta Andoain artean egurra garraiatzeko. Honetako bidaia batean, trenak Andoaingo parrokoa zen Rosendo Rekondo harrapatu zuen, 1957ko uztailean. Azkenean, konpainiak burdinbidea kentzeko eta burdinbidea behin betiko ixteko baimena jaso zuen 1958ko irailaren 5ean. Ondorioz, geltoki hori behin betiko itxi zen.

Egoera

Geltokia Iruña—Donostia burdinbidearen 28,1 kilometro-puntuan zegoen, 496 metroko altueran, Irurtzun eta Mugiro geltokien artean. Tartea bide bakarra da eta ez zegoen elektrifikatuta.

Ikus, gainera

• Latasa
• Iruña—Donostia burdinbidea

Kanpo estekak

• Datuak: Q103196697

Irurtzun Latasa Mugiro Iruña–Hiria Amara–Donostia