Eneko13
Ongi etorri, Eneko13, euskarazko Wikipediara! Hau zure eztabaida orria da, beste wikilarien mezuak jasotzeko balioko dizuna. Gainera, lankide orria ere baduzu; nahi izanez gero, hor jar ditzakezu zeure datuak, interesak, hitz egiten dituzun hizkuntzak... (zeure lankide orria egiteko informazioa nahi baduzu, ikus orrialde hau). Nahi baduzu ere zure proba orrian idazten has zaitezke. Lagungarriak izan daitezkeen loturak
Wikipedian laguntzeko modu ugari daude. Horietako batzuk Wikipedian nola lagundu dezakezun argitzen duen orrian bildu ditugu. Artikulu jakin batez ohar edo iradokizunen bat egiteko, artikulu horren eztabaida orrian idatz dezakezu. Wikipediari buruzko galdera, ohar edo iradokizun orokorra baldin bada, berriz, Wikipediako Txokoa duzu horretarako toki egokiena. Eta hainbat Wikiproiektu ditugu, gai jakin batzuetan parte hartzen lagunduko dizutenak. Wikilari jakin bati idazteko edo erantzuteko, haren eztabaida orrian idatzi beharko duzu. Bestela, ez zaio mezu bat duela jakinarazteko oharra azalduko, eta agian ez da konturatuko idatzi diozula. Eztabaida orriaren goialdean «Gehitu atala» lotura aurkituko duzu. Hor klik eginez, mezua sortzeko aukera izango duzu. Mesedez, ez zaitez ahaztu mezuaren bukaeran zure erabiltzaile sinadura edo zigilua ezartzeaz; bestela, ezingo dugu jakin nork idatzi duen, nori erantzun behar diogun.
|
16:30, 29 martxoa 2018 (UTC)
Wikipedia bera ezin da Wikipediako artikulu baten erreferentziatzat aipatu aldatu
Kaixo, Eneko. Wikipedia bera ezin da Wikipediako artikulu baten erreferentziatzat aipatu; horregatik, «Pedagogia marxista» artikuluan jarrita zenituen Wikipediako bertako erreferentzia guztiak kendu ditut, eta beste aldaketatxoren batzuk ere egin ditut (formatua hobetu, eta abar). Dena dela, artikulua hizkuntzaren aldetik ondo-ondo zuzendu behar zenuke (lehenengo esaldian bertan, «Karl Marxek [...] bizi zen» jarri duzu), eta formatua ere hobetu behar zenuke, Estilo Gida kontuan hartuta (adibidez, artikulu bateko lehenengo esaldiak artikulu horren gaiaren definizioa izan behar du, eta artikulu horretan ez da horrela). Zalantzarik izanez gero, galdetu lasai. --Xabier Armendaritz 2018-03-29, 17:54 (UTC)