Lactarius mammosus
Lactarius mammosus Russulaceae familiako onddo espezie bat da.[1]
| Lactarius mammosus | ||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||||||
| Sailkapen zientifikoa | ||||||||||||||||||||||||||||
| Erreinua | Fungi | |||||||||||||||||||||||||||
| Klasea | Agaricomycetes | |||||||||||||||||||||||||||
| Ordena | Russulales | |||||||||||||||||||||||||||
| Familia | Russulaceae | |||||||||||||||||||||||||||
| Generoa | Lactarius | |||||||||||||||||||||||||||
| Espeziea | Lactarius mammosus Fr., 1838 | |||||||||||||||||||||||||||
| Mikologia | ||||||||||||||||||||||||||||
| ||||||||||||||||||||||||||||
Sinonimoa: Lactarius fuscus
Deskribapena aldatu
Kapela: 4 eta 6 cm bitarteko diametrokoa, haragi mehekoa, laua edo ganbil samarra, pixka bat hondoratua erdiko titiaren inguruan (ez da beti egoten ale helduetan), ertza laster zabaldua, inoiz ez ildaskatua, geroago lobatua; arre-marroi ilun kolorekoa edo gris-herdoil kolorekoa, ilunagoa erdian eta ezkatatsu-fibrilosoa.
Orriak: Lehenbizi horixka-haragi kolorekoak, gero okre ilun kolorekoak, estu samar, itsatsiak edo dekurrente samarrak.
Orri dekurrenteak: Hanka ukitzeaz gain, beherantz jarraitzen duten orriak.
Hanka: Zilindrikoa, pixka bat mehetua oinarrian edo goialdean, zurixka-pruinaduna, okre antzeko tonuekin, distiratsua lehorrean, okre-arrea konprimatzean, betea eta solidoa, ondoren barrubete-barnehutsa, pruinaduna eta glabroa.
Haragia: Mehea, hauskorra, zurixka-haragi kolorekoa, lehortzean Peruko baltsamoaren edo koko-irinaren usain gozo arin bat botatzen du; geroago lehortze luzearen ondoren, txikoria usaina hartzen du. Latexa, zuria edo zuri-ur kolorekoa, lehen zaporea gozoa, gero akrea.[2]
Etimologia: Lactarius terminoa "lac" "lactis", esnetik dator, esneari dagokio. Latexa jariatzen dutelako ebakitzean edo haustean. Mammosus epitetoa latinetik dator, bular, esan nahi duen "mamma" hitzetik. Erdiko titiarengatik.
Jangarritasuna aldatu
Ez da jangarria.[3]
Nahasketa arriskua aldatu
Lactarius glyciosmus delakoak usain antzekoa du, eta badu antza; hala ere handiagoa da eta kolorea ere ez du berdina, grisaxka-lila kolore biziagoak ditu.
Sasoia eta lekua aldatu
Abuztutik urrira. Koniferoen basoetan.[4]
Banaketa eremua aldatu
Kanada, Ameriketako Estatu Batuak, Islandia, Europa, Errusia.[5]
Erreferentziak aldatu
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 88 or. ISBN 84-282-0865-4..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 313 or. ISBN 84-282-0541-X (T. 3). ISBN: 84-282-0538-8 (O.C.)..
- ↑ (Gaztelaniaz) 1986. AVM Asociacion Vallisoletana de Micologia 1986.
- ↑ Lactarius mammosus: GBIF—the Global Biodiversity Information Facility.
Kanpo estekak aldatu
Datuak: Q1266088
Multimedia: Lactarius mammosus / Q1266088
Espezieak: Lactarius mammosus
