Jose Maria Murga de la Barrera
Jose Maria Murga de la Barrera (Xemein, 1770eko azaroaren 12a - Bilbo, 1834ko irailaren 17a) bizkaitar lurjabe eta politikaria izan zen.[1]
| Jose Maria Murga de la Barrera | |||
|---|---|---|---|
1820 - 1823 | |||
| Bizitza | |||
| Jaiotza | Markina-Xemein, 1770eko azaroaren 12a | ||
| Herrialdea |  Bizkaia, Euskal Herria | ||
| Heriotza | Bilbo, 1834ko irailaren 17a (63 urte) | ||
| Heriotza modua | berezko heriotza: kolera | ||
| Hezkuntza | |||
| Hizkuntzak | gaztelania | ||
| Jarduerak | |||
| Jarduerak | politikaria eta lur-jabea | ||
| Kidetza | Euskalerriaren Adiskideen Elkartea Historiaren Errege Akademia | ||
| Zerbitzu militarra | |||
| Parte hartutako gatazkak | Konbentzioaren Gerra | ||
Bizitza aldatu
Markinaldeko etxe noble batean jaio zen eta Madrilen egin zituen ikasketak. Konbentzio gerran frantsesen aurka borrokatu zen eta ondoko urteetan Markinako alkatea izan zen. 1800-1802 bitarteko urteetan Bizkaiko diputatu nagusia izan zen eta Zamakolada baino lehen (1804) Bilboko ahalduna, baina kargua utzi zuen une zail haietan. Matxinada horri buruzko oroit-idatzi bat prestatu zuen gero.
Napoleonen osteak Hego Euskal Herrira sartu zirenean haien zerbitzura jarri zen eta, Diputazioa utzi ondoren, agintari frantsesek eratu zuten kontseiluko kide izan zen. Hala ere, 1814an, ohorezko aipamen bat egin zioten Gernikako Batzar Nagusietan Bizkaiko foruen alde egindako lanengatik. 1820-1823 bitarteko urteetan Bilboko alkate izan zen eta 1834an hil zen kolerak jota.
Historiako liburuak idatzi zituen: Observaciones sobre algunas crónicas de los reyes de Castilla (1816, «Gaztelako errege batzuei buruzko kronikei eginiko oharrak») eta Memoria confidencial y justificativa de los sucesos que prepararon en Bilbao el alzamiento de la Zamacolada.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2015/12/13 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q25474765
