J. Paul Getty Museoa

J. Paul Getty Museoa (ingelesez, J. Paul Getty Museum) Kaliforniako (AEB) estatuko arte museo bat da. Jatorri pribatukoa da eta bi egoitza ditu:

• Los Angelesko Getty Center
• Malibuko Getty Villa

J. Paul Getty Museoa
J. Paul Getty Museum
Irudi gehiago
Kokapena
Estatu burujabe	Ameriketako Estatu Batuak
Estatua	Kalifornia
Kaliforniako konderri	Los Angeles konderria
Charte city	Los Angeles
Koordenatuak	34°04′39″N 118°28′30″W
Historia eta erabilera
Irekiera	1974
Inaugurazioa	1974
Zuzendaria	Timothy Potts (en) John Walsh (en)
Izenaren jatorria	J. Paul Getty
Arkitektura
Arkitektoa	Richard Meier
Bisitariak urtean	2.023.467
Kontaktua
Telefonoa	tel:+1 (310) 440-7300
Webgune ofiziala

Antzinatetik XX. mendera arteko artea du eta urtero 1.300.000 bisitari inguru jasotzen ditu. Beraz, Estatu Batuetako museorik bisitatuenetako bat da.

Historia

1974an, J. Paul Getty petrolio-industriaren magnateak jauregi galanta ireki zuen museo gisa Pacific Palisades-en, Malibutik gertu. Eraikin hau antzinako Herkulanoko (Vesuvio sumendiaren erupzio batek suntsitu zuen Erromatar Inperioko herria) Papiroen Villaren errekreazioa zen.

1997an J. Paul Getty Museoak bere kokapena aldatu zuen egungora, Brentwood (Los Angeles) eremuan eraikitako Getty Center-era, mila milioi dolarren kostuarekin. Pacific Palisadesko museoa greziar eta erromatar artearen bildumetarako gorde zen, eta Getty Villa izena hartu zuen. 2006an berritu zuten. Getty Zentroak gainerako bildumak biltzen ditu, baita ikerketa zentroak, hitzaldi-aretoa eta J. Paul Getty Trust-en egoitza administratiboa, museoa eta beste jarduera batzuk kudeatzen dituen patronatu edo fundazioa (hainbat herrialdetako ikerketa eta zaharberritze lanak barne).

Kanpo estekak

• Museoaren webgune ofiziala

• Datuak: Q731126
• Multimedia: J. Paul Getty Museum