Ion Fiz
Ion Fiz Martínez (Eibar, Gipuzkoa, 1979) moda-diseinatzailea da.
| Ion Fiz | |
|---|---|
| Bizitza | |
| Jaiotza | Eibar, 1979 (44/45 urte) |
| Herrialdea |  Gipuzkoa, Euskal Herria |
| Hezkuntza | |
| Hizkuntzak | gaztelania |
| Jarduerak | |
| Jarduerak | moda-diseinatzailea |
Biografia aldatu
Eibarren jaio arren, haurtzaroa eta gaztaroa Ermuan eta Bilbon eman zituen Juanjok. Ume-umetan hasi zen joskintzarekin harremantzen, familian bertan, amama jostuna zuen-eta: hari soberan geratzen zitzaizkion oihal txatalekin jolasten zuen. Nola moztu eta zelan josi oihal bat mutikoa zela ikasi zuen, eta txikitan zaletu zen soinekoak marraztera, moztera eta jostera.[1][2]
1995-1998 urteen artean Bilboko Modaren Euskal Eskolan ikasi zuen, ohorezko matrikula lortuz eta Miriam Okariz diseinatzaile bilbotarra irakasle zuelarik. 2004-2006 bitartean, ostera, Bartzelonako Institut Catalá de la Modan berak jardun zuen irakasle.
Bartzelonako FAD plataformaren bitartez (Fomento de las Artes Decorativas, gerora Foment de les Arts i del Disseny) bere lehen moda bilduma prestatzen hasi zen. 2002an, antolatzen zuten moda arloko lehiaketa irabazteak, hurrengo urtean Madrilgo Cibeles Pasarelan bere diseinuak aurkezteko gonbitea ekarri zion.
Diseinatzaile aldatu
Ion Fiz firma sortu zuen 2002an, 24 urterekin. Hasi eta amaitu arte, bere diseinuen sorkuntza osoa gainbegiratzea gustatzen zaio: izan jantziaren zirriborroa eta horretan oinarritutako patroia, oihalaren ebaketa, jantzigintza...Goi Joskintzako beste maisu garrantzitsu batzuentzako bildumak diseinatu ditu, hala nola Pertegaz-entzat.[2][3]
Jantziez gain, antiojuak, oinetakoak, poltsak bainujantziak, aterkinak, kapelak, gerrikoak, eta abar ere diseinatu izan ditu. Nancy panpinarentzako, honen ahizpa Lesly eta lagun Lucas eta Selenerentzako jantziak zein osagarri desberdinak diseinatu eta josi izan ditu ere. Jostailuen esparruan modaren garrantzia aldarrikatzeko helburuarekin sortuak, diseinu esklusiboak dira eta bildumagileei zuzenduta daude.[4][5][6]
2017an, modaren munduan bere XV. urteurrena ospatzeko Goi Joskintzako 30 jantzien bilduma aurkeztu zuen Fizzisimo izenburupean Bilboko Guggenheim Museoan egindako galan.[7]
2018an, arte eszenikoetan estreinatu zen, El funeral antzezlaneko pertsonaientzako jantziak sortu zituen 40ko hamarkadan inspiratuz.[8][9][10]
Iberdrola, Repsol eta Mc Donalsen enpresa-uniformeak diseinatu ditu.[3]
Hainbat agertokitan aurkeztu ditu bere lanak: Madril, Valentzia, Mexiko, Belgika, Paris, Murtzia, Bartzelona,Shangai...[1][3]
"Nire lanbidean gehien baloratzen dudana da lana ondo, zintzotasunez eta artisau moduan egitea" Ion Fiz.
Sariak[7][11] aldatu
- Bartzelonako FAD plataforma (Fomento de las Artes Decorativas) saria, modaren arloan (2002)
- L’Oreal París Cibeles
- Prix de la Mode Marie Claire
- Hanbel saria (2019)
- Urrezko Titarea Diseinatzailerik Onenari (2019)
- Costura España elkartearen saria bere ibilbide guztiari (2019)
Kanpo estekak aldatu
Erreferentziak aldatu
- ↑ a b (Gaztelaniaz) Sevilla, Diario de. (2012-03-27). «Ion Fiz» Diario de Sevilla (Noiz kontsultatua: 2023-09-07).
- ↑ a b (Gaztelaniaz) «Ion Fiz» HOLA 2015-02-03 (Noiz kontsultatua: 2023-09-07).
- ↑ a b c (Gaztelaniaz) Biografía | Ion Fiz. (Noiz kontsultatua: 2023-09-07).
- ↑ (Gaztelaniaz) «Diseños made in Ermua» El Correo 2010-06-19 (Noiz kontsultatua: 2023-09-07).
- ↑ Elkartea, Euskal Birusa. (2020-09-23). «Drogetenitturri, 292 zenbakia (2020ko iraila) - Euskal Birusa» EUSKALBIRUSA.EUS (Noiz kontsultatua: 2023-09-07).
- ↑ (Ingelesez) Elite, Trademark. «ION FIZ, A United Kingdom Trademark of JUAN JOSE FIZ MARTINEZ. Application Number: UK00911794872 :: Trademark Elite Trademarks» www.trademarkelite.com (Noiz kontsultatua: 2023-09-07).
- ↑ a b Ion Fiz | BilbaoArte. (Noiz kontsultatua: 2023-09-07).
- ↑ Company, The Geco. (2018-03-09). «Ion Fiz crea el vestuario de "El Funeral", la vuelta a la comedia de Concha Velasco» Región Digital (Noiz kontsultatua: 2023-09-07).
- ↑ Jardunaldiak, Eibarko Xlii Nazioarteko Antzerki; Antzerkia. «El funeral» Kultura (Noiz kontsultatua: 2023-09-07).
- ↑ (Gaztelaniaz) www.axel-k.com; Sánchez, Esther Casillas. (2018-08-22). «El funeral» Teatro La Latina (Noiz kontsultatua: 2023-09-07).
- ↑ (Gaztelaniaz) «Ion Fiz y Elio Berhanyer, protagonistas de los premios de la asociación Costura España» HOLA 2019-04-10 (Noiz kontsultatua: 2023-09-07).
Datuak: Q12259660
