Il Sorpasso

Il Sorpasso
	Irudi gehiago
Jatorria
Argitaratze-data	1962
Izenburua	Il sorpasso
Jatorrizko hizkuntza	italiera
Jatorrizko herrialdea	Italia
Banatze bidea	eskatu ahalako bideo
Ezaugarriak
Genero artistikoa	film komikoa
Iraupena	105 minutu
Kolorea	zuri-beltzekoa
Zuzendaritza eta gidoia
Zuzendaria(k)	Dino Risi
Gidoigilea(k)	Dino Risi; Ettore Scola; Ruggero Maccari
Antzezlea(k)
	Vittorio Gassman ; Catherine Spaak ; Jean-Louis Trintignant ; Luciana Angiolillo ; Claudio Gora ; Luigi Zerbinati (en) ; Linda Sini ; John Francis Lane (en) ; Annette Vadim (en) ; Mila Stanic (en) ; Edda Ferronao ; Nando Angelini ; Jacques Stany (en) ; Franca Polesello (en)
Ekoizpena
Ekoizlea	Mario Cecchi Gori
Edizioa	Maurizio Lucidi
Ekoizpen-diseinatzailea	Ugo Pericoli (en)
Bestelako lanak
Musikagilea	Riz Ortolani
Argazki-zuzendaria	Alfio Contini
Fikzioa
Kontakizunaren tokia	Italia

Il Sorpasso (euskaraz Aurreratzea) 1962ko Dino Risi italiar zinema zuzendari eta ekoizleak zuzendu eta ekoiztutako komedia film bat da. Vittorio Gassman, Jean-Louis Trintignant, Catherine Spaak, Claudio Gora, Luciana Angiolillo, Linda Sini, Nando Angelini eta Luigi Zerbinati aktoreek antzeztu zuten.

Commedia all'italiana delako generoaren barnean kultuzko filma da. Mar de Platako Zinemaldian Zuzendari Onenaren Saria (Dino Risi) irabazi zuen.

Argumentua

Oharra: Atal honek istorio osoa edo amaiera argitzen du.

Erroma, Ferragosto jaiegunez (abuztuaren 15a) hiria huts-hutsik dago. Bruno Cortona (Vittorio Gassman), berrogei urte pasatxoko gizon harroputz eta hitzontziak bere kabriolet autoa gidatu eta hirian barna tabako paketea eta telefono baten bila abiatu da. Iturri batetik ura edateko gelditu eta berari begira dagoen Roberto Mariani (Jean-Louis Trintignant) izeneko gizon gazte bakarti bat ikusiko du. Elkar adiskidetu eta Cortonari telefono deia egin dezan bere apartamentura gonbidatuko du. Biak hizketan ari direla, Marianik azterketa batzuk prestatzeko Erroman ikastera gelditu dela aipatuko dio. Cortonak bere hitz jarioaren bidez gaztea berarekin egun batzuk igaro ditzan konbentzituko du. Honela abiadura handiko ibilbide bati ekingo diote, italiar errepideetan barna gorabehera eta gertakizun bitxiez beteriko bidaia osatuz. Gaztea bere erabakiaz damutzen hasiko da, baina era berean Bruno Cortona eta bere bizimodua miresten ere hasiko da, baina amaiera aldera gaztea ere bizimodu patxadatsu eta hutsalaz gozatzen hasten denerako, istripu bat jazoko da.

Aktoreak

Vittorio Gassman: Bruno Cortona
Jean-Louis Trintignant: Roberto Mariani
Catherine Spaak: Lilly Cortona
Luciana Angiolillo: Gianna
Claudio Gora: Bibi
Luigi Zerbinati: Komendadorea
Franca Polesello: Komendadorearen emaztea
Linda Sini: Izeba Lidia
John Francis Lane: Alfredo
Nando Angelini: Amedeo
Mila Stanic: Clara

Kanpo estekak

Il Sorpasso filmaren iragarkia ikusgai. Youtube.com (Italieraz)
Il Sorpasso filmaren IMDBko fitxa irakurgai (Ingelesez)

Datuak: Q1787498
Multimedia: Il sorpasso (film) / Q1787498