Ibanteli

Ibanteli (edo Labeaga) Lapurdi eta Nafarroa Garaiaren arteko mugan dagoen mendi bat da, Ibanteliko mendilerroko tontorrik garaiena da (698 metro), Larrate Gaina (398 m.) eta Soroko Gaina (368 m) baino altuagoa. Etxalar eta Sara udalerrien artean banatuta dago. Gertu daude Larrun (1.513 m) eta Arxuria mendiak (758 m).

Ibanteli
Datu orokorrak
Garaiera	698 m
Mota	mendi
Geografia
Koordenatuak	43°16′17″N 1°37′14″W
Mendikatea	Ibanteliko mendilerroa
Estatu burujabe	Frantzia
Frantziaren banaketa administratiboa	Metropolitar Frantzia
Eskualdea	Akitania Berria
Departamendua	Pirinio Atlantikoak
Barruti	Baionako barrutia
Kantonamendu	Ezpeletako kantonamendua
Frantziako udalerri	Sara
Mendizaletasuna
Ohiko bidea	Lizarrieta mendatea, Lizuniaga mendatea
Luberri	Luberri

Gailurra bakarrik Lapurdi herrialdean dagoen arren, mendi erdia Nafarroa Garaian dago.

Nafarroa eta Lapurdi arteko mendia da Ibanteli, nahiz eta tontorra erabat Lapurdi aldean goititu. Muga zaharra ekialdeko lepo batetik pasatzen da, mugarri ugariren bidez adierazten da hori. Basoak estaltzen du gehiena, eta basoak utzitako eremuan, larrea baino gehiago iratzea da nagusi, baina nahiko inguru garbia da, noranahi ibiltzeko trabarik jartzen ez duena.

Haitza azaleratzen da tontorrean eta inguruko beste zenbait gunetan. Ikuspegi zabala eskaintzen du ingurunearen gain (Larrun, Atxuria, bertan dira).

Labiaga izenarekin ageri da Alpinak ateratako Bidasoa aldeko mapan. Beste mapa batzuetan izen hori ematen zaio ekialdeko bizkarrari edo Bera aldeko iparraldeko isurialdeari.

Abiapuntuak

Gora igotzeko biderik motzenak Lizuniaga eta Lizarretako mendateetatik abiatzen direnak dira, azken hau batez ere, baina gehiago entretenitu nahi izanez gero, Beratik abiatu zaitezkete GR11ari jarraituz Idoia edo Lizarreta arte.

Hegoaldetik Lizarrieta mendatetik (441 m), Larrun eta Sarako leizeetatik gertu dagoen mendate honetan usoaren ehizan ibiltzen da.

Iparraldetik Lizuniaga mendatetik (236 m)

• 
  Ibanteli zeharkatzen duen latsa bat
• 
  Ibanteliko 39. mugarria
• 
  Mendaur mendia Ibantelitik
• 
  Xoldoko, Larrun eta Ibanteli mendiak Agina menditik.

Ikus, gainera

• Nafarroako Pirinioa
• Lapurdiko mendien zerrenda
• Nafarroa Garaiko mendien zerrenda

Kanpo estekak

• Ibanteli mendia luberri.net webgunean.
• (Gaztelaniaz)"Mendikat" webgunean.
• «Ibanteli - Mountaineer - MIKEL GOTZON ARRIZABALAGA» ayvri.com (Noiz kontsultatua: 2021-10-26).
• «Lizarrietatik Ibandeli mendiaren itzulingurua» Depuis le col de Lizarrieta-Tour de l'Ibandeli Wikiloc | Rutas del Mundo (Noiz kontsultatua: 2021-10-26).

• Datuak: Q109253360

Euskarazko Wikipedian bada atari bat, gai hau duena: Euskal Herriko Wikiatlasa