Iñaki Mendiguren
Iñaki Mendiguren Bereziartu (Igartubeiti baserria, Ezkio, Gipuzkoa, 1954) gipuzkoar idazle eta itzultzailea da. Xabier Mendiguren anaia du.
| Iñaki Mendiguren | |
|---|---|
.jpg) (2017) | |
| Bizitza | |
| Jaiotza | Ezkio-Itsaso, 1954 (69/70 urte) |
| Herrialdea |  Gipuzkoa, Euskal Herria |
| Familia | |
| Ezkontidea(k) | Sarah Turtle |
| Anai-arrebak | |
| Hezkuntza | |
| Hizkuntzak | gaztelania |
| Jarduerak | |
| Jarduerak | idazlea eta itzultzailea |
  | |
Biografia
aldatuFilosofia eta Letretan lizentziaduna da. Irakaskuntza urte asko eman ondoren, itzulpengintzan dihardu gaur egun. Elizen arteko Biblia (beste itzultzaile batzuekin elkarlanean, 1994; haren ekarpenaren berezitasuna bere kristau izaera protestantea da[1]), Alexis de Tocqueville (Amerikako Demokrazia, 1995), Jonathan Swift (Gulliverren bidaiak, 1997), David S. Williams (Joko bikoitza, 1999), Jeremy Taylor (Aitonaren hamaikakoa, 1999), edota J. K. Rowling (Harry Potter saila, 2000-2007) bezalako egileak itzuli ditu euskarara, beste askoren artean. 2002an Literatura Itzulpen Onenaren Euskadi Saria irabazi zuen Harry Potter eta sekretuen ganbera (2001) obrarekin. 2013an Tom Sawyer-en abenturak liburua itzultzeagatik Euskadi Literatura Saria irabazi zuen Sarah Turtle emaztearekin batera.[2]
Bi eleberri eman ditu argitara: Haltzak badu bihotzik (1990), urtebete lehenago Café Iruña Baqué Saria eskuratu zuena, eta Ilunkerako xuxurlak (1999), urte bereko Irun Hiria Saria lortu zuena.
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ (Gaztelaniaz) «Berriro eman da argitara Elizen Arteko Biblia, eta oraingoan CD eta guzti» El Diario Vasco 2006-10-30 (Noiz kontsultatua: 2020-05-24).
- ↑ «'Tom Sawyerren abenturak' liburua, IBBYren Ohorezko Zerrendan» Berria 2014-02-07.
Datuak: Q12260064
