Ireki menu nagusia
Hiroshigeren omenezko erretratua (Kunisadarena).

Utagawa Hiroshige, jaiotza-izenaz Andō Tokutarō (Edo, gaur egun Tokio, Japonia, 1797 - 1858ko urriaren 12a), japoniar margolaria eta grabatzailea izan zen.

XIX. mendeko ikuspegi-margolaririk ezagunena.

BiografiaAldatu

Zurezko xaflen gainekoak, Ukiyo-e estilokoak, ditu bere lanik nagusiak (8.000 lamina inguru). Marrazkiaren eta koloreen zehaztasuna dira haren ezaugarri nabarienak.

1870 inguruan Europan ere zabaltzen hasi zen Hiroshigeren obra, eta inpresionistek izan zuten haren eraginik.

Hauek dira Hiroshigek zurean egindako grabatu ezagunetarikoak: Tōkaidō Gojūsantsugi (1830-1834, Berrogeita hamahiru geraldi Tōkaidōko bidean), Meisho Edo hyakkei (1856-1859, Edoko ehun ikuspegi), Biwa aintzirako zortzi ikuspegi (1836 inguruan), Fuji Sanjū-Rokkei (1858, Fuji-Yama mendiko hogeita hamasei ikuspegi).

Japoniako grabatzaileen artean ere hoberenetarikotzat jotzen da. Beste hainbat sail ere baditu, animalia, hegazti eta arrainen irudiz moldatuak.

Irudi galeriaAldatu

Wikimedia Commonsen badira fitxategi gehiago, gai hau dutenak: Hiroshige  

ErreferentziakAldatu