Hipparchia alcyone
Hipparchia alcyone Euskal Herrian aurki daitekeen tximeleta bat da, Nymphalidae familiakoa. Europa hegoaldean eta erdialdean bizi da bizi da, Afrika iparraldean eta Anatolia penintsulan ere bai.
| Hipparchia alcyone | |
|---|---|
_Hipparchia_hermione_-_Orchowek_Pologne_-_male.jpg) | |
| Sailkapen zientifikoa | |
| Erreinua | Animalia |
| Filuma | Arthropoda |
| Klasea | Insecta |
| Ordena | Lepidoptera |
| Familia | Nymphalidae |
| Leinua | Satyrini |
| Generoa | Hipparchia |
| Espeziea | Hipparchia alcyone Linnaeus, 1764 |
| Datu orokorrak | |
| Ostalaria | Festuca ampla eta Festuca paniculata |
Denis eta Schiffermüler naturalista austriarrek deskribatu zuten 1775. urtean.
Deskribapena
aldatuImagoa
aldatuTximeleta handia da, 50-62 mm arteko hegal zabalera du[1]. Tximeleta marroi iluna da eta banda zuri-horixka zabal batek zeharkatzen ditu hegalak. Nabarmenagoa da atzeko hegaletan. Aurreko hegaletan ozelo handi bana eta txiki bana ditu. Tximeleta emea antzekoa da, zerbait handiagoa eta bandak argiagoak dira[1].
Hegalen azpialdeari dagokionez, aurrealdeko hegala oso antzekoa da, atzeko hegalak aldiz bi eremu bereizten ditu, marroi ilun jaspeatua eta gris argi edo horixka.
Beldarra
aldatuBeldarra marroi argia da eta bizkarrean marra ilun nabarmena du aurretik atzealderaino. Alboetan ere baditu marra marroi ilunak[2].
Bizi zikloa
aldatuBelaunaldi bakarra ateratzen du urtean eta ekainetik irailera ikusten da hegan[2]. Beldarra elikatuko den landarean edo handik gertu jartzen ditu arrautzak. Beldarra gramineotaz elikatzen da eta neguan hibernatu egiten du. Udaberrian pupa gorrixka bat eratzen du eta handik tximeleta heldua aterako da[1].
Habitata
aldatuBasoen soilgunetan eta eremu zabaletan bizi da, itsasoaren mailatik hasi eta 2.000 metrotako altueraraino. Zuhaitzen enborrean pausatzen da eta oso ongi kamuflatzen da[1].
Iruditegia
aldatu-
Tximeleta emea. -
Hegalen azpialdea. -
Tximeleta erraz kamuflatzen da enborrean.
Erreferentziak
aldatu- ↑ a b c d (Gaztelaniaz) Valderrey, Juan Luis Menéndez. «Hipparchia alcyone (Denis & Schiffermüller, 1775)» Naturaleza y turismo (Noiz kontsultatua: 2023-05-08).
- ↑ a b «European Lepidoptera and their ecology: Hipparchia alcyone» www.pyrgus.de (Noiz kontsultatua: 2023-05-08).
Kanpo estekak
aldatu
Datuak: Q1428741
Multimedia: Hipparchia hermione / Q1428741
