Hartmann Von Aue
Hartmann Von Aue (1165 inguruan - 1215 inguruan) alemaniar olerkaria izan zen. Sortzez jopua zen, eta zaldun gisa Aueko jaunen zerbitzura egon zen. Hirugarren Gurutzadan parte hartu zuen. Minnesang delako mugimenduaren barruan sartzen da bete-betean. Alemanian Artur eta Mahai Biribileko zaldunen gaia erabili zuen lehena izan zen. Bi poema epiko idatzi zituen, Chrétien de Troyesen ereduaren arabera eginak: Erec eta Iwein. Gregorius poeman, berriz, izen bereko bekatariaren gertaera kontatzen da, alegia, nola iritsi zen hilduraren bidez aitasantutzara eta santutasunera. Horien guztien artean, hala ere, Der arme Heinrich (Heinrich gizarajoa) da, Hartmannen obra nagusia, erlijiozko inspirazioa duen beste poema bat. Bertan, Heinrich Von Aue zaldunaren bizitzaren gorabeherak kontatzen dira.
| Hartmann Von Aue | |
|---|---|
 | |
| Bizitza | |
| Jaiotza | Suabia, c. 1165 |
| Herrialdea |  Alemania |
| Heriotza | c. 1215 (49/50 urte) |
| Hezkuntza | |
| Hizkuntzak | alemana frantsesa latina |
| Jarduerak | |
| Jarduerak | Minnesänger (en)  , idazlea, musikagilea eta poeta |
| Genero artistikoa | Zalduntza liburua |
  | |
ErreferentziakAldatu
Wikimedia Commonsen badira fitxategi gehiago, gai hau dutenak: Hartmann Von Aue  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q75852
Multimedia: Hartmann von Aue
