Golden Raspberry sariak
Golden Raspberry sariak (Urrezko Mugurdia sariak), baita Razzies edo anti-Oscars bezala ezagututa ere, John Wilson zinema kritikariak 1980an sortutako sari kritiko eta umoretsuak dira. Era batez Oscar Sarien ifrentzua izaten dira. Sari hauek Estatu Batuetako film, aktore, gidoilari eta zuzendari okerrenak nabarmendu nahi dituzte. Sari hauen zeremonia Oscarrena baino lehen egiten da urtero.[1]
Ezaugarriak aldatu
Sariak urtero ematen dira. Aukeraketa Golden Raspberry Award Foundationen partaideak egiten dute. Fundazioko kidea izateko bakarrik harpidetza ordaindu behar da; horrek boto eskubidea edozeini ematen dio. Sariaren izena ingeleseko blowing a raspberry esaeratik dator, hau da, ahoz egindako puskerra antzeko soinua, purrustada, zerbait kazkarra edo txarra dela adierazteko. Saria plastikozko mugurdi bat da, golf pilota baten tamainukoa, zeluloide karrete baten gainean itsatsita, guztia urrezko sprayz margotuta. Trofeoaren prezioa $4.89 da (dolar amerikarrak).
Sarien irabazleak trofeoa jasotzeko normalean ez dira aurkezten.
Sariak aldatu
Gaur egungo kategoriak
- Film okerrena
- Zuzendari okerrena
- Gidoi okerrena
- Gizonezko aktore okerrena
- Emakumezko aktore okerrena
- Bikote okerrena
- Taldeko aktore okerrena
- Taldeko aktoresa okerrena
- Remake (bertsio berria) edo ondorengo (sequel) filma okerrena
- Berrerospen saria (2014tik): honekin haien interpretazio-lanetan hobekuntza txiki bat egin duten aktoreei saritzen zaie.
- Kameraz egindako lan okerrena
Etorkizuneko kategoriak
- Animazio edo marrazki bizidunetako film okerrena
- Animazio-laburmetraia okerrena
- Fikziozko laburmetraia okerrena
Kendutako kategoriak
- Kanta original okerrena
- Izar berri okerrena
- Soinu banda okerrena
- Efektu berezi okerrenak
Beste motatako sariak aldatu
Karrera baten lorpen okerrenari saria aldatu
Sari hau bost aldiz bakarrik eman da: Ronald Reagan 1981an, Linda Blair 1983an, Irwin Allen 1985an, Jaws filmaren "Bruce, gomazko marrazoa" 1987an eta Uwe Boll zuzendariak 2009an, "Germany's answer to Ed Wood" filmagatik.[2]
Gobernadorearen Saria aldatu
Sari hau Razzi sarien gobernadoreak emandako aipamen berezia da. Honekin John J. B. Wilsonek beste kategorietatik kanpo gelditu diren pertsonak saritzen ditu. Esaterako, 2003an, From Justin to Kelly filmaren "sasi koreografiaren" aipamenez Travis Paynek jaso zuen.[3]
Erreferentziak aldatu
Kanpo estekak aldatu
Datuak: Q40237
Multimedia: Golden Raspberry Awards / Q40237
