Gerri karratua

Gerri karratua  (musculus quadratus lumborum,baita costalis lumborum) gerriko atze alboko aurpegian kokaturiko muskulua da. Zapala eta karratua da.

Gerri karratua
Irudi gehiago
Xehetasunak
Jatorria	Gandor iliakoa Lotailu iliolunbarra
Insertzioa	Saihets-hezurra Gerri-ornoa trokanter nagusia
Arteria	Arteria lunbarrak eta arteria iliolunbarraren adar lunbarra
Nerbioa	Hamabigarren nerbio torazikoa eta gerri nerbioaren erdiko adarraren lehenengo zuntza
Muskuluaren akzioa	Enborraren hedapena Enborraren flexio laterala
Identifikadoreak
Latinez	Musculus quadratus lumborum
TA	A04.5.01.027
FMA	15569
Terminologia anatomikoa

Zuntzen norabidea

Muskulu hau hiru norabidetako zuntzez osatua dago:

• Saihets-zeharkako zuntzak, gerri-ornoetako L4, L3, L2 eta L1 mailetako zehar apofisietan jaio eta 12.saihetseko beheko ertzean ezartzen dira.
• Ilio-zeharkako zuntzak, gandor iliakoan jaio eta gerri-ornoetako L4, L3, L2 eta L1 mailetako zehar apofisietan ezartzen dira.
• Zuntz saihets-iliakoak gandor iliakoan jaio eta 12.saihetsaren beheko ertzean ezartzen dira.

Jatorria eta ezarpena

Lotailu iliolunbarrean eta gandor iliakoaren kanpoko ertzean jaio eta 12.saihetsaren beheko ertzean eta gerri-ornoen zehar apofisian ezartzen da.

Erlazioak

Gerri karratuak aurretik kolonarekin, giltzurrunekin, psoas nagusiarekin, psoas txikiarekin (egongo balitz) eta diafragmarekin erlazionatzen da.

Gainera 12.nerbio torazikoa, ilioinginala eta iliohipograstrikoa izango ditu aurrean. Gerri karratua abdomeneko zeharkako muskuluaren jarraipena da.

Inerbazioa

Inerbazioa T12 nerbio espinalak eta L1-L4 nerbio espinalek ekarriko dute.

Funtzioak

4 funtzio izan ditzake:

1. Bizkarrezurraren alboko tolespen ipsilaterala alde bakarreko uzkurketaren bidez.
2. Bizkarrezurraren hedapena uzkurketa bilateralaren bidez.
3. 12.saihetsa finkatzen du espirazio bortxatuan.
4. Iliona jasotzen du uzkurketa ipsilateralaren bidez.

Galeria

• 
• 
• 
• 

Kanpo estekak

• Datuak: Q1426052
• Multimedia: Quadratus lumborum muscles / Q1426052