Gernika KESB
Gernika KESB (izen osoa, Gernika Kirol Elkartea Saskibaloia) Bizkaiko izen bereko herriko emakumezkoen saskibaloi taldea da.
| Gernika KESB | ||||
|---|---|---|---|---|
| Ligak | Espainiako Emakumezko Saskibaloi Liga | |||
| Sorrera | 1996 | |||
| Pabiloia | Maloste polikiroldegia | |||
| Kokapena | Gernika-Lumo, Bizkaia, Euskal Herria | |||
| Taldearen koloreak | ||||
| Lehendakaria | Gerardo Candina | |||
| Entrenatzailea | Anna Montañana | |||
| Txapelketak | LF2 (2014) | |||
| Webgunea | www.gernikasaski.com | |||
| Uniformeak | ||||
| ||||
Historia aldatu
Gernika KESB 1996an sortu zuten, Gernika Saski-Baloi eta I.B. Gernika taldeak batzean.
2013-14 denboraldian LF2 irabazi zuen eta Espainiako Emakumezko Saskibaloi Ligara igo zen. 2014-15, 2015-16 eta 2016-17 denboraldietan historiako emaitza esanguratsuenak lortu zituen; batez ere, azken bi denboraldietan 16 garaipeneko errekorra lortuz. 2016-17an Erreginaren Koparako txartela lortu zuten eta finalerdietan Perfumerias Avenidak kanporatu zuen. Urte berean, play-offetara sailkatu zen hirugarren postua eskuratuz Emakumezkoen Ligan.
Honi esker 2017-18 denboraldian EuroCup Women txapelketan hartu zuen parte, Europako bigarren txapelketan. Ez zen taldekako fasetik pasa sei partidatatik bakarra irabazita hirugarren sailkatu baitzen. 2018-19 denboraldian beste urrats bat eman zuen, liga fasea gainditu eta 16 onenetan sartzeko play-offak jokatu zituen. Galatasarayren aurka tokatu zitzaion eta Gernikan 15 puntuz irabazi bazuen ere (84-69) Istanbulen 76-58 galdu zuen.
Hurrengo urteetan ere talde indartsua izaten jarraitu du, Ligan puntan ibili da eta urtero EuroCup Women txapelketan hartu du parte. Europako emaitzarik onena 2020ko final 1/8ak izan zituen.
Palmaresa aldatu
- Liga 1 (0): hirugarren 2016-17an
- Liga 2 (1): 2013-14
- Erreginaren Kopa (0): finalerdiak 2016-17an
- Superkopa (0): finalista 2019-20an
- EuroCup Women (0):
- 2019-20an final 1/8ak
- 2018-19an eta 2021-22an play-offak
- Euskal Kopa (5): 2014, 2015, 2016, 2020, 2021
Azken urteak aldatu
| Urtea | Maila | Postua | Kopa | Europa |
|---|---|---|---|---|
| 2005-06 | 1. Nazionala | 4.a | ||
| 2006-07 | 1. Nazionala | 8.a | ||
| 2007-08 | 1. Nazionala | 2.a | ||
| 2008-09 | 1. Nazionala | 4.a | ||
| 2009-10 | 1. Nazionala | 3.a | ||
| 2010-11 | 1. Nazionala | 2.a (igo) | ||
| 2011-12 | Liga 2 | 19.a | ||
| 2012-13 | Liga 2 | 12.a | ||
| 2013-14 | Liga 2 | 1.a (igo) | ||
| 2014-15 | Liga | 6.a | ||
| 2015-16 | Liga | 6.a | ||
| 2016-17 | Liga | 3.a, final 1/4 | final erdiak | |
| 2017-18 | Liga | 5.a, final 1/4 | Talde fasea (EuroCup) | |
| 2018-19 | Liga | 4.a, final 1/4 | final erdiak | play-offak (EuroCup) |
| 2019-20 | Liga | bertan behera¹ | final 1/4 | final 1/8 (EuroCup) |
| 2020-21 | Liga | 4.a, final 1/2 | final 1/2 | final 1/16 (EuroCup) |
| 2021-22 | Liga | 8.a, final 1/4 | final 1/2 | play-offak (EuroCup) |
| 2022-23 | Liga | 5.a, final 1/4 | final 1/2 | final 1/16 (EuroCup) |
- ¹ 2019-20an denboraldia bertan behera gelditu zen COVID-19 pandemiaren erruz. Une horretan, bukatzeko lau jardunaldiren faltan, Gernika KESB hirugarren postuan zegoen ligan.
2022-2023 Taldea aldatu
Kanpo estekak aldatu
Datuak: Q19947914
