Gaskoinia plaza (Donostia)

Gaskoinia plaza
Antigua, Donostia
Herrialdea Lurraldea	Euskal Herria Gipuzkoa
Gaskoinia plaza Gaskoinia plaza Gaskoinia plaza
Koordenatuak:	43°18′50.67″N 2°00′08.36″W

Gaskoinia plaza edo Txillardegi plaza, Gipuzkoako Donostia hiriburuan dagoen plaza bat da. Antigua auzoan dago, eta auzo honetako plaza nagusia dela esan daiteke. Izena Gaskoiniaren omenez darama. Txillardegi izena ere erabiltzen da. Izan ere, donostiar intelektualaren omenez ezarri zen murala plazako ezaugarri nagusietako bat da.

Matia kalearen erdialdean dago. Leku horretan zegoen Txillardegi izeneko etxea, eta hortik hartu zuen ezizena Jose Luis Alvarez Enparantza intelektualak. Inguruan jaio eta bizi baitzen txikitan. XIX. mendearen bukaeran eta XX. mendeko hasieran Antiguako erdi-erdian zegoen etxerik ederrena zen Txillardegi etxea.

• 
  Txillardegi murala
• 
  Txillardegi plaza, Gaskonia plaza. Donostiako Antigua auzoan
• 
  Txillardegi etxea Antigua auzoko plano batean (1900).
• 
  Ibon Sarasola hizketan Txillardegiren muralaren inaugurazioan Donostiako Gaskoinia plazan

Kokalekua

Matia kalea, Ondarbide kalea eta Sukia kalearen artean dago, bai eta Zumalakarregi hiribidetik hurbil.

Plazaren mendebaldean Jesusen Bihotzaren Esklaboen eliza dago.

Txilardegi landetxea eta José Brunet-en Botilla fabrika zeuden inguru honetan. José Brunet-en argazkietan ikus daiteke hori. "Marques de la Real Defensa" bilduman daude argazkiak. Koldo Mitxelena Kulturgunean "Aurrera eginez - Progresando" erakusketan egon ziren eta Lola Horcajo Calixto eta Juan José Fernandez Beobide-ren "San Sebastián album del siglo XIX" liburuan ere bai.

Txilardegi landetxea eta José Bruneten botilla fabrika (1877) Antigua, Ondarreta, Donostia

Merkatua

Larunbat goizetan plaza honetan baserriko produktuen azoka egiten da.

Ikus, gainera

• Txillardegi Liburutegia (bertsoak)

Kanpo estekak

• Datuak: Q61070680
• Multimedia: Plaza de Gascuña, Donostia-San Sebastián / Q61070680