Gaonatarren etxea

Gaonatarren etxea Dulantzin dagoen hiri-jauregia da.

Gaonatarren etxea
Eraikitako euskal ondasun nabarmena
Kokapena
Herrialdea	Euskal Herria
Probintzia	Araba
Herria	Dulantzi
Koordenatuak	42°50′30″N 2°30′48″W
Historia eta erabilera
Irekiera	XVI. mendea
Arkitektura
Ondarea
EJren ondarea	9

1994ko urriaren 21an, Eusko Jaurlaritzak monumentu izendatu zuen, Sailkatutako Kultura Ondasuna.

Deskribapena

Etxe soila, Dulantzi herrigunearen Iparraldean kokatua. Gauna edo Gaonatarren armarria du agerian eta hortik datorkio izena: Baserri inguruko etxegintza kulturaren adierazgarri ederra dugu XVI. mendekoa izan daitekeen etxe hau. Oinarria laukizuzena du eta, teilatuak, hiru aldetara jotzen du. Bi solairu ditu: behekoa eta lehena. Hormak harrizkoak ditu eta, izkina eta leiho-ate inguruak, harri landuz osatuak.

Itxura sendoa eta itxia du, leihateak txikiak eta urriak baitira. Kanpoko aldean aipatzeko modukoa dugu fatxada nagusia, bertan baitaude interes historiko-artistikoa duten bi elementu: bederatzi dobeladun puntu erdiko sarrera nagusia eta, lehen aipatu denez, Gauna edo Gaonatarren armarria. Etxeak estalpea du atzeko aldean. Ekialdera jotzen duen aldean hutsuneak agertzen dira sakabanaturik. Sartaldekoan ere bai, nahiz aurrekoa baino itxiagoa izan. Barneko aldea abandonaturik dago.

Erreferentziak

• Edukiaren zati bat monumentu hau sailkatutako kultura-ondasun izendatzen duen lege testutik hartu da. Izan ere, testua jabari publikokoa da eta ez du jabetza intelektualik, Espainiako Jabetza Intelektualaren Legeko 13. artikuluan xedatu denez (Espainiako Aldizkari Ofiziala, 97. zenbakia, 1996-04-22).

Kanpo estekak

• Kultura Ondasun izendapena EHAAn

• Datuak: Q5390350

Euskarazko Wikipedian bada atari bat, gai hau duena: Euskal Wikiatlasa