Galtzerdi suizida

Mariasun Landak idatzitako liburua

Galtzerdi suizida, Mariasun Landa idazle errenteriarrak idatzitako liburua da, Haur eta Gazte Literaturaren alorrean sailkatua. Liburuaren jatorrizko edizioaren ilustratzailea Antton Olariaga da. 2001an argitaratu zen liburua lehen aldiz, Elkarlanean argitaletxearen bidez[1], eta 2015an berrargitaratu zuen Erein editorialak.

Galtzerdi suizida
Galtzerdi suizida.jpg
Audioa
Mariasun Landa, Galtzerdi suizida liburuaren pasarte bat irakurtzen.
Datuak
Idazlea Mariasun Landa
Argitaratze-data 2001, lehen edizioa Elkarlanean argitaletxea
Generoa Eleberria
Jatorrizko izenburua Galtzerdi suizida
Argitaletxea Elkar
Herrialdea Euskal Herria
Ilustratzailea Antton Olariaga
Orrialdeak 93
ISBN 84-8331-795-8
OCLC 970882114

SinopsiaAldatu

Galtzerdi zahar bat da istorioaren protagonista bizimoduz aldatu nahi duena. Hori dela eta, eskegita dagoen tokitik bere burua botatzea erabakitzen du. Ez baina, bere burua akabatzeko, baizik eta eguneroko bizimoduarekin ez dagoelako konforme eta kanpoko esperientziak bizi ahal izateko etxetik kanpo. Halako batean, bere jabeak arropa halanola zintzilakatzen du eta deskuidoaz baliatuta galtzerdiak goitik behera botatzen du bere burua. Hor hasten dira abenturak eta jabe baten eskuetatik bestera daraman ibilbidea[2].

GaiaAldatu

Ipuin iniziatiko gisa sailkatu da lan hau[3], non pertsonaia nagusiak zenbait oztopo eta froga pasa beharko dituen heldutasunera iritsi aurretik. [4] Hala nola, gurasoen etxetik alde egiten duen gaztearen tankerara, galtzerdiak ihes egiten du bere bizimodu propioa egiteko.

Pertsonai nagusiakAldatu

  • Augusto, protagonista nagusia: galtzerdi zahar bat
  • Plínio jauna galtzerdien jabea, mutilzaharra; hizkuntzak ikasi nahi zituen bidaiatzeko helburuarekin eta haren saioei esker, kasetekin, galtzerdiek ere ikasi zuten apur bat hizkuntza
  • Lukas, Plínio jaunaren arrain txikia, hainbat aholku ematen dizkiona galtzerdiari
  • Klotilde eskekoa, txotxongilo gisa erabiltzen du galtzerdia, horrela aktore bihurtuko da, lapurtua izan arte
  • Izaki Arraroak, galtzerdia lapurtzen duten haurrak dira
  • Dama galtzerdi-emea, zeinarekin bikotea osatuko duen protagonistak
  • Maisu gaztea Augusto eta Dama galtzerdiak bere etxean biltzen dituen gaztea[2]

ItzulpenakAldatu

  • Bretoieraz: Ma buhez berrloer (itzultzailea: Mark Kerrain) ISBN 978-2-9534848-9-2
  • Gaztelaniaz: El calcetín suicida (itzultzailea: egilea bera; ilustratzailea: Federico Delgado) ISBN 84-667-3689-1 
  • Galegoz: O carpin sucida  ISBN 84-9782-137-8
  • Katalanez: O mitjó suicïda (itzultzailea: Pau Joan Hernàndez)

ErreferentziakAldatu

  1. Ezinbestekoak - Galtzagorri Elkartea. . Noiz kontsultatua: 2018-02-02.
  2. a b Landa, Mariasun. (2001). Galtzerdi suizida. Elkarlanean, 84-8331-795-8 or..
  3. Josemari, VELEZ DE MENDIZABAL AZKARRAGA,. Mariasun Landa. Idazlea: Utopia historiaren motorra da eta 68ko maiatza hartan ezagutu genuen hori. . Noiz kontsultatua: 2018-02-02.
  4. Barbancho, Iñigo. Galtzerdi suizida (2001) .- Euskal Literaturaren Hiztegian (ELH) :. . Noiz kontsultatua: 2017-04-06.

Ikus, gaineraAldatu

Kanpo estekakAldatu