Erramu-tximeleta

Erramu-tximeleta
	Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Nymphalidae
Leinua	Argynnini
Generoa	Brenthis
Espeziea	Brenthis daphne; Bergsträsser, 1780
Datu orokorrak
Ostalaria	Rubus

Erramu-tximeleta (Brenthis daphne) Euskal Herrian aurki daitekeen tximeleta bat da, Nymphalidae familiakoa.

Banaketa aldatu

Paleartiko erreinuko animalia da. Europa kontinentalean, Siberian, Korean eta Japonian aurkitzen da^[1]. Baso ertz eguzkitsuak atsegin ditu eta itsasoaren mailatik 1.750 metrotarainoko eremuan aurkitzen da^[2].

Deskribapena aldatu

Tamaina ertaineko tximeleta da, 30-44 mm-ko hegal zabalera duena. Kolore laranja-horixka duen tximeleta da eta ertzetan marra iluna du, erabat ixten ez dena. Hegalak nahiko borobiltsuak dira. Atzeko hegalen azpialdea argiagoa da, orbain zuriekin eta ertz morearekin marmolaren itxura ematen dio^[2].

Beldarraren gorputza lerro marroi ilunek eta zuriek zeharkatzen dute aurretik atzera. Arantza marroiak ditu gorputz osoan zehar. Krisalidak dizdira metalikoak ditu.

Bizi zikloa aldatu

Maiatza eta abuztuaren hasiera artean ikusten da tximeleta, beti ere kokapenaren arabera alda daiteke. Emeak uztailean arrautzak jartzen ditu lahar edo mugurdiondo hostoen azpian, beldarra gero sasi horretaz elikatzen baita. Beldarrak neguan hibernatu egiten du^[3] eta udaberrian krisalida eratu eta tximeleta heldua ateratzen da.

Errunaldi bakarra izaten du.