Enrike Orueta
Enrike Orueta Anza (Bilbo, 1887ko abenduaren 30a - Argentina, 1944ko maiatzaren 21a) bizkaitar abertzalea izan zen. Arana Goiri anaiek sortutako alderdiko kide egin zen gazte zela eta Bilboko Juventud Vasca edo Euzko Gaztedi erakundearen sortzaileetako bat izan zen 1912. urtean. Aberritarren eta Comunión Nacionalista Vasca taldeen bereizketa gertatu zenean, lehen taldean geratu zen Orueta. Pizkundia eta Oldargi antzeztaldeak sortu zituen Bilbon eta Oruetak berak idatziriko obrak antzeztu zituzten: Aquel Bilbao de nuestros padres, Herreros de Otxandiano eta San Roque de Vizcaya. Primo de Riveraren diktadura amaitutakoan alderdiaren batasunerako ekimenetan parte hartu zuen eta 1930. urtean alderdi batuaren Bizkai Buru Batzarreko lehendakari hautatu zuten. Gerra Zibila bukatu zenean Frantziara erbesteratu zen lehenik eta Argentinara ondoren. Argentinako Acción Vasca erakundeko lehendakari izendatu zuten 1943. urtean.
| Enrike Orueta | |
|---|---|
| Bizitza | |
| Jaiotza | Bilbo, 1887ko abenduaren 30a |
| Herrialdea |  Bizkaia, Euskal Herria |
| Heriotza | Argentina, 1944ko maiatzaren 21a (56 urte) |
| Hezkuntza | |
| Hizkuntzak | gaztelania |
| Jarduerak | |
| Jarduerak | politikaria |
| Sinesmenak eta ideologia | |
| Alderdi politikoa | .png){kind=small} Eusko Alderdi JeltzaleaEuzko Alderdi Jeltzalea - Aberri |
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q12256876
