Elotxelerriko geltokia

Elotxelerri
	2016ko lanak gauzatu aurreko geralekuaren ikuspegia
	Kokapen mapa
Lineak
Kokapena
Helbidea	Molinaga bidea, 4; 48180
Udalerria	Loiu, Bizkaia
Geltokiaren datuak
Gunea	2. gunea
Irisgarria
Zerbitzuak
Nasak	1
Trenbideak	1
Jabea	Euskal Trenbide Sarea
Eragilea	Eusko Trenbideak
Garraio zerbitzuak
EuskoTren	Kukullaga ↔ Lezama

43°17′40″N 2°54′21″W / 43.294421°N 2.905809°W

Elotxelerri edo Elotxelerri-Loiu Euskotrenen E3 lineari dagokion lurgaineko tren geralekua da, Loiu udalerriko Elotxelerri auzoan kokatuta dagoena. Bizkaiko Garraio Partzuergoaren 2. tarifa-gunearen barruan dago.

Kokapena

Trenbide kokapenari erreparatuz, geltokia zabalera metrikoa (1.000 mm) duen Bilbo-Lezama trenbidearen parte da.

Sarbideak

2016an eta 2017an egindako lanen ondoren, geralekuak sarbide bakarra du, arrapala bidezkoa. Ordura arte eskailera bidezko beste sarbide bat ere bazegoen, baina geralekura sarbidea kontrolatzeko hura ezeztatzea erabaki zen.

Molinaga bidea, 4

Geltoki berria

2017an Bilboko metroaren 3. linea martxan jartzearekin batera, E3 linea Metro sarean integratu zen. Hala, Lezamatik Bilbora doazen trenak Metro sarearen barruan ibiltzen dira, Metro zerbitzua lortzeko maiztasunak tren hauek erabiltzen direla, besteak beste. Trenbide berri honetan ibiltzeko Euskotrenen 950 serieko tren unitateak erabiltzen dira. Tren unitate hauei egokitzeko eta geltokiari irisgarritasun neurriak gehitzeko, Euskal Trenbide Sareak geltokian eta bere inguruan eraberritze-lanak egin zituen 2016ko amaieran, 350.000 euroko aurrekontuarekin.

Hala, nasa luzatu zen, mugikortasun urriko pertsonentzako igarobidearen maldaren ehunekoa murriztu zen, eta eskailera bidezko sarbide zaharra ezabatu zen, erabiltzaileen kontrolerako. Bestalde, txartel-salmentarako makinak eta makina baliogabetzaileak jasotzen dituen eraikina, eta bi kristalezko markesina eraiki ziren.^[1]

Gainera, txartel-salmenta makina automatiko berriek mugikortasun urriko pertsonentzako irisgarritasun materian estandarrak betetzen dituzte, entzuteko desgaitasuna duten pertsonentzako T moduko bukle magnetikoa daukate, Braille serigrafiak interakzio elementu guztietan (botoiak, txarteldegiak, eta abar), eta itsumen eta ikusteko desgaitasun handia duten pertsonei egokitutako salmenta softwarea.^[2]

Argazki galeria

Geralekuaren ikuspegia 2017ko lanak gauzatu aurretik. Lan horietan ezeztatutako sarbide eta balioztatze-makina ikusgai da.
Nasaren ikuspegia, 2017ko lanak gauzatu aurretik.

Erreferentziak

↑ Euskal Trenbide Sarea. «Eusko Jaurlaritzak 9,5 milioi euro inbertituko ditu Txorierriko geltokiak Metroaren 3. lineara egokitzeko» (Noiz kontsultatua: 2017-01-18).^{[Betiko hautsitako esteka]}
↑ Irekia. «Irekia - Euskotrenek salmenta automatikoko sistema ikusteko desgaitasuna duten pertsonentzako egokitu du» www.irekia.euskadi.eus (Noiz kontsultatua: 2018-09-04).

Ikus, gainera

Kanpo estekak

Euskotrenen webgunea

Datuak: Q12256772
Multimedia: Elotxelerri train station / Q12256772

[1] Euskal Trenbide Sarea. «Eusko Jaurlaritzak 9,5 milioi euro inbertituko ditu Txorierriko geltokiak Metroaren 3. lineara egokitzeko» (Noiz kontsultatua: 2017-01-18).^{[Betiko hautsitako esteka]}

[2] Irekia. «Irekia - Euskotrenek salmenta automatikoko sistema ikusteko desgaitasuna duten pertsonentzako egokitu du» www.irekia.euskadi.eus (Noiz kontsultatua: 2018-09-04).

[1]

[2]