Damavand
Damavand[1] (persieraz: دماوند), Irango mendirik garaiena da. Kaspiar itsasoaren hegoaldeko kostatik gertu dago, Teherandik 66 km ipar-ekialdera, Amol konderrian, Mazandaran probintzian, Irango iparraldean. Elburz mendietako mendirik garaiena da: 5.610 m. Ekialde Ertain osoko mendirik garaiena ere bada, eta Asiako sumendirik garaiena ere bai. Gaur egun ez du jarduera bolkaniko handirik, baina fumarola batzuk irekita daude, eta sufrea kanporatu izan du. Amol hiritik 50 kilometrora dago, eta izen bereko Damavand hiritik hurbil; Kaspiar itsasoko kostatik 80 km ingurura dago.
| Damavand | |
|---|---|
 Gizateriaren Ondare | |
 | |
| Datu orokorrak | |
| Garaiera | 5.610 m |
| Prominentzia | 4.667 m |
| Mota | mendi, Geruza-sumendi, turismo-atrakzioa eta architectural landmark (en)  |
| Geografia | |
 | |
| Koordenatuak | 35°57′19″N 52°06′33″E / 35.9553°N 52.1092°E |
| Honen parte da | Volcanic Seven Summits (en) |
| Mendikatea | Elburz mendiak |
| Estatu burujabe |  Iran |
| Probintzia | Mazandaran |
| Irango eskualdea | Amol County |
| Mendizaletasuna | |
| Lehen igoera | 905ean, Abu Dolaf Kazraji |
Mendira igotzeko hamasei ibilbide ezagun daude, batzuk eskalatu beharrekoak, oso zailak. Mendebaldeko ibilbidea famatua da, ilunabarretan ikuspegi ikusgarriak dituelako.
Mendi garrantzitsua da persiar mitologian eta folklorean. Persiako poesian eta literaturan, despotismoaren eta inbaditzaileen aurkako erresistentziaren sinboloa da.
Erreferentziak aldatu
- ↑ Euskaltzaindia. (2012-06-29). 171. araua: Asiako toponimia. (Noiz kontsultatua: 2013-02-10).
Kanpo estekak aldatu
Datuak: Q40758
Multimedia: Mount Damavand / Q40758
