Cultural y Deportiva Leonesa

Cultural y Deportiva Leonesa
Ezizena(k)	La Cultu
Sorrera	1923
Futbol zelaia	Reino de León; edukiera: 13.451 lagun; inaugurazioa: 2001
Presidentea	Tariq Abdulaziz Al Naama
Entrenatzailea	José Manuel Aira
Liga	1. maila RFEF
2023-24	6.a (I multzoa)
Webgunea	Webgune ofiziala

	Etxekoa

	Kanpokoa

Cultural y Deportiva Leonesa Gaztela-Leongo futbol talde bat izan zen, 1923an León hirian sortua. Bitarte horretan, 12 denboralditan jokatu zuen Espainiako futbol ligako lehen mailan.

Historia

Sociedad Cultural y Deportiva Leonesa taldearen futbolaren atala 1922an sortu zen baina 1923 arte ez zen federatu. Aurrez baziren beste talde batzuk hirian, La Victoria eta Gimnástica Leonesa besteak beste. 1926an eskualdeko txapelduna izan zen eta bi igoera jarraian eginez 1927-28 denboraldian Bigarren Mailara igo zen, urtebeterako ordea. 1931ean taldea desegin zen.

1939an Gerra Zibila bukatua zela, agintariek futbol talde indartsua osatu nahi zuten eta Sociedad Cultural y Deportiva Leonesa birsortu zuten. Eskualde mailatik abiatu eta bi denboralditan Bigarren Mailara igo zen. Lehenengo urtean hirugarren postua eskuratu zuen eta Lehen mailara igotzear egon zen. Hurrengo urtean ordea Hirugarren Mailara itzuli zen.

1954-55 denboraldian Bigarren Mailako txapelduna izan zen eta Lehen mailara igo zen. Urte bakarrerako izan bazen ere zelaiak betekada handiak izan zituen. Lehen mailan jokatu duen denboraldi bakarra izan da.

1977tik aurrera Bigarren B mailan ibili da, urte banaka batzutan Hirugarren mailan aritzea ere tokatu zaio arren. 2011 urtean esate baterako bigarren B mailan 14. postuan gelditu zen baina jokalariei ordaindu ez izanagatik hirugarren mailara jeitsiarazia izan zen. Bi urte egin zituen beheko mailan eta berriz igozen. Ordutik bigarren B mailan aritu da.

2015eko uztailaren 10ean Aspire Academy izeneko Qatarren egoitza duen futbolarien akademia batek erosi zuen Cultural Leonesa. Agintari berriek espainiako Culturala harrobiko erreferentziazko taldea izatea dute helburu. 2016-17 denboraldian Errege Kopako 1/16-ak jokatu zituen Real Madrilen aurka. Ondoren 2.B mailako txapelduna izan zen eta mailaz igotzea lortu zuen, baina urtebete baino ez da bertan egon. 2019-20ko Errege Kopan Atlético Madril kanporatu zuen final 1/16etan eta Valentzia penalti jaurtiketatan nagusitu zitzaion final 1/8etan.

Uniformea





1923





1925-1950





1950-etik





2017-18





2018-21





2021-

Datuak

2022-23 denboraldia barne:

Denboraldiak 1. mailan: 1
Denboraldiak 2. mailan: 15
Denboraldiak 2. B mailan: 36
1. maila RFEF: 2
2. maila RFEF: 0
Denboraldiak 3. mailan: 29
Ligako posturik onena: 15.a Lehen mailan (1955-56)

Azken urteetako ibilbidea

Urtea	Maila	Postua	Errege Kopa
2004-05	Bigarren B maila	10.a	1/16
2005-06	Bigarren B maila	14.a
2006-07	Bigarren B maila	11.a
2007-08	Bigarren B maila	11.a
2008-09	Bigarren B maila	2.a
2009-10	Bigarren B maila	12.a	1/16
2010-11	Bigarren B maila	14.a
2011-12	3. maila	3.a
2012-13	3. maila	2.a
2013-14	Bigarren B maila	14.a
2014-15	Bigarren B maila	7.a
2015-16	Bigarren B maila	7.a	2. itzulia
2016-17	Bigarren B maila	1.a	1/32
2017-18	Bigarren maila	19.a	3. itzulia
2018-19	Bigarren B maila	5.a	1/16
2019-20	Bigarren B maila	2.a	1/8
2020-21	Bigarren B maila	2.a	2. itzulia
2021-22	1. maila RFEF	12.a	2. itzulia
2022-23	1. maila RFEF	10.a
2023-24	1. maila RFEF	6.a

Palmaresa

Bigarren Maila (1): 1955
Bigarren B Maila (2): 1999, 2017
Hirugarren Maila (7): 1929, 1959, 1968, 1971, 1974, 1986, 1995

Kanpo estekak

(Gaztelaniaz) Cultural Leonesaren webgune ofiziala

Datuak: Q582342
Multimedia: Cultural y Deportiva Leonesa / Q582342