Coprinellus domesticus
Coprinellus domesticus Psathyrellaceae familiako onddo espezie bat da.[1] Ez du kalitate gastronomikorik.
| Coprinellus domesticus | |
|---|---|
_Vilgalys,_Hopple_%26_Johnson.jpg) | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Psathyrellaceae |
| Generoa | Coprinellus |
| Espeziea | Coprinellus domesticus (Bolton) Vilgalys, Hopple & Jacq.Johnson (2001)
|
Sinonimoa: Coprinus domesticus.
Deskribapena aldatu
Kapela: Hasieran haritzen ezkur gisa, 1 eta 2 cm bitarteko diametroa du orduan, gero erabat irekia, laua; okre argi kolorekoa, erraz bereiz daitekeen malutetan edo pikorretan sakabanatzen den errezel fin batez estalia.
Orriak: Estu, hasieran zurixkak, gero arre-txokolate kolorekoak, amaieran beltzaxkak. Pruinadun ertza.
Hanka: Zuria, pruinaduna, oinarrira zabaldu egiten da, eta hor erraboil alboratu nabaria agertzen da. Askotan, hazten den substratuaren zati bat estaltzen duen azaleko mizelio gorrixka samarra ikus daiteke.
Haragia: Usain eta zapore berezirik gabea.[2]
Etimologia: Coprinus hitza grezieratik dator "coprinus" hitzetik, eta, simaurrari dagokiona, esan nahi du, simaurretan hasten dena. Domesticus epitetoa berriz latinetik dator, etxea, esan nahi duen "domus, us" hitzetik.
Jangarritasuna aldatu
Ez du interes gastronomikorik.[3]
Nahasketa arriskua aldatu
Talde honetan, antzeko ezaugarri makroskopikoak dituzten zenbait espezie daude (Coprinus radians, Coprinus xanthothrix, Coprinus ellisii, Coprinus bipellis, Coprinus flocculosus), hauek bereizteko azterketa mikroskopiko zehatza egin behar da.
Sasoia eta lekua aldatu
Udaberrian (martxotik maiatzera) eta udazkenean, hostozabalen eroritako adarretan, talde txikiak osatuz. Baratze, ukuilu, egur-ezpal eta abarretan, saprofitoa da eta egurra usteltzen du, baita Erriberako zuhaitzen adarretan, enborretan, motzondoetan (zurzuria, makala). Ugaria.[4]
Banaketa eremua aldatu
Europa, Australia, Argentina, Txile, Errusia, Japonia, Hegoafrika, Txina, Erdialdeko Amerika eta Ipar Amerika.
Erreferentziak aldatu
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 374 or. ISBN 84-404-0530-8..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia..
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 272 or. ISBN 84-282-0865-4..
Kanpo estekak aldatu
Datuak: Q5168907
Multimedia: Coprinellus domesticus / Q5168907
