Ciudad de Vascos
Ciudad de Vascos Navalmoralejon (Toledo, Espainia) dagoen aztarnategi arkeologikoa da.[1] Turismoari irekita dago.[2]
| Ciudad de Vascos | |
|---|---|
| Kultura ondasuna | |
 | |
| Kokapena | |
| Estatu burujabe |  Espainia |
| Autonomia |  Gaztela-Mantxa |
| Probintzia | Toledoko probintzia |
| Udalerria | Navalmoralejo |
| Koordenatuak | 39°45′20″N 5°05′14″W / 39.755531°N 5.087197°W |
 | |
| Ondarea | |
| BIC | RI-55-0000051 |
_03.jpg)
Toponimia aldatu
Madina al-Talabaira hiriaren hiru barrutietako bat Basaq izena zuen; homonimiaz, toponimoak Basaq > Vasak > Vascos eboluzioa izan zuen. Ez dirudi, beraz, euskaldunekin zerikusirik duenik.[3] Gainera, Basaq toponimo honek barruti osoari egingo lioke erreferentzia; arabiar garaiko dokumentazioa aztertuz ez da lortu hiriaren beraren izena zehaztea (hipotesi baten arabera, Nafza herrigune galdua litzateke, izen horretako amazigh tribuak populatu zuena).[4]
Geografia aldatu
Aztarnategia Toledoko Mendietan dago, Huso ibaiaren ondoan (Tajo ibaiaren afluentea),[5] Toledo hiriburutik 70 bat kilometrotara, Navalmoralejo herrigunetik 5 kilometrotara, El Puente del Arzobispo herritik hurbilago.
Historia aldatu
Hiria IX. mendean sortu zen, Kordobako Emirerriaren baitan.[5] Hura desegin ostean, Toledoko taifaren parte izan zen, eta uste da kristauek 1085 urte inguruan hartu zutela, Alfontso VI. Gaztelakoa Toledoz jabetzearekin batera. Handik gutxira abandonatua izan zen, lurraldea birpopulatu zutenek nahiago izan baitzuten Tajo erriberan bizi.[6]
Aztarnategia aldatu
Aztarnategia eremu partikular batean dago: Las Cucañas esparrua. Jabeek (Cavestany-Corsini familiak) ikerketa arkeologikoak bultzatu dituzte Administrazioarekin elkarlanean, eta aztarnategia bisitagarria da larunbatetan 10:00-14:00 ordutegian (otsailetik maiatzera, izan ezik -biak barne-).[7]
Hiria E-M norabidean zeharkatzen duen kale nagusiaren inguruan antolatua dago. Egituren hainbat aztarna ikusi daitezke, besteak beste: harresiak, artistikoki landutako arku-ateak, gotorlekua, bainuetxea (bere hipokaustoarekin), meskita, kanposantua...[8]
Zenbait epigrafe ere gordetzen dira: meskitaren ekialdeko horma batean kufikoz eginiko jakulatoria; alkazarreko dintel batean tailatutako alkerke jokoa...[9]
Erreferentziak aldatu
- ↑ «Ciudad de Vascos» www.ciudaddevascos.com (Noiz kontsultatua: 2021-06-20).
- ↑ https://www.descubrir.com/visitando-la-ciudad-de-vascos-un-sorprendente-yacimiento-arqueologico/#google_vignette
- ↑ «https://twitter.com/ricardotejada19/status/1137756218221617152» Twitter (Noiz kontsultatua: 2021-06-20).
- ↑ «Ciudad de Vascos» www.ciudaddevascos.com (Noiz kontsultatua: 2021-06-20).
- ↑ a b «https://twitter.com/paco_almanzor/status/1137435387557793792» Twitter (Noiz kontsultatua: 2021-06-20).
- ↑ Eslava Galán, Juan. (2012). 1000 sitios que ver en España al menos una vez en la vida. (1ª ed. en Colección Booket. argitaraldia) Booket ISBN 978-84-270-3003-9. PMC 828326021. (Noiz kontsultatua: 2021-06-20).
- ↑ (Gaztelaniaz) «Visita Yacimiento Arqueológico de Ciudad de Vascos | TCLM» www.turismocastillalamancha.es (Noiz kontsultatua: 2021-06-20).
- ↑ Mazzoli-Guintard, Christine. (2000). Ciudades de al-Andalus : España y Portugal en la época musulmana, siglos VIII-XV. (1. ed. argitaraldia) Editorial al-Andalus y el Mediterráneo ISBN 84-931194-1-5. PMC 45765479. (Noiz kontsultatua: 2021-06-20).
- ↑ «https://twitter.com/paco_almanzor/status/1406240541998784518» Twitter (Noiz kontsultatua: 2021-06-20).
Kanpo estekak aldatu
Datuak: Q5770832
Multimedia: Ciudad de Vascos / Q5770832
