Carmen García Mateo
Carmen García Mateo, (Vigo, Pontevedra,1963) Seinalearen Teoriaren eta Komunikazioen katedraduna da Vigoko Unibertsitatean, eta Titulazioen eta Europako Bateratzearen arloko errektoreorde ere izan da. 2014an Galiziako Xuntak emandako María Josefa Wonenburger Planells saria jaso zuen.[1]
| Carmen García Mateo | |
|---|---|
.jpg) | |
| Bizitza | |
| Jaiotza | Vigo, 1963 (60/61 urte) |
| Herrialdea |  Galizia |
| Hezkuntza | |
| Hizkuntzak | gaztelania galiziera |
| Jarduerak | |
| Jarduerak | unibertsitateko irakaslea |
| Enplegatzailea(k) | Vigoko Unibertsitatea (2007ko azaroaren 28a - |
Biografia
aldatuCarmen García Mateok telekomunikazio ingeniaritza ikasi zuen Madrilgo Unibertsitate Politeknikoan (1987), eta 1993an doktoretza egin zuen "Ahotsa kodetzeko eta abiadura txikiko espektroa irudikatzeko teknikak " tesiarekin.[2] Doktoratu ondoko ikerketa-egonaldiekin osatu zuen bere prestakuntza, Kaliforniako Santa Barbarako Unibertsitatean (UCSB), 1994an; ATTko Bell Laborategietan (New Jersey), 1997an eta 1999an; Michigan State Universityn, 2005ean; eta Kenteko Unibertsitatean, 2013an.[3]
1987an, Vigoko Unibertsitateko Telekomunikazio Ingeniaritzako Goi Eskola Teknikoan (UVIGO) sartu zen. Seinalearen Teoria eta Komunikazioen Saileko katedraduna da, eta Informazioaren eta Komunikazioen Teknologietako doktorego-programa koordinatzen du. 2006tik 2010era bitartean, Europako Titulazio eta Konbergentziako errektoreorde izan zen.[3]
UVigoko AtlantTIC ikerketa zentroko Multimedia Teknologia Ikerketa Taldeko (GTM) zuzendaria da. Oinarrizko ikerketa-arloak galizierazko eta gaztelaniazko hizkeraren teknologia, audio-segmentazioa eta pertsonen azterketa biometrikoa dira. Ildo horietan lortu dituen lorpen zientifiko-teknikoak batez ere garapenean eta transferentzian biltzen dira, eta 40 proiektu baino gehiago zuzendu ditu deialdi publikoetan eta I+G+Bko kontratuetan enpresa eta zentro teknologikoekin.[4]
Hainbat ikerketa-proiektu eta doktore-tesi zuzendu eta koordinatu ditu, eta 100 artikulu baino gehiago argitaratu ditu nazioarteko aldizkari eta kongresuetan. Hainbat aldizkari zientifikorekin kolaboratzen du bere esparruan, eta Sociedad Española para la Acústica Forense-SEAF elkartearen bazkide sortzailea da.[3]
Horrez gain, 2016tik Galiziako Kultura Kontseiluko kidea da.[5]
Sariak eta ohoreak
aldatu2014an María Josefa Wonenburger Planells saria eman zioten[6] Galiziako Xuntak urtero ematen duena 2007tik, Emakumea eta Zientzia Unitatearen bitartez. Saria ez zuen ilusioz bakarrik jaso, baizik eta herrialde honetako emakumeengan eragina izateko irabazi zuela dio, teknologietara jo dezaten, ezgai direla pentsatu gabe.[5]
Erreferentziak
aldatu- ↑ (Ingelesez) Galega, Consello da Cultura. «Carmen García Mateo» CONSELLO DA CULTURA GALEGA (Noiz kontsultatua: 2022-03-07).
- ↑ (Gaztelaniaz) «Carmen García Mateo» igualdade.xunta.gal (Noiz kontsultatua: 2022-03-07).
- ↑ a b c «Carmen García Mateo | Unidade Muller e Ciencia» unidadedamullereciencia.xunta.gal (Noiz kontsultatua: 2022-03-07).
- ↑ (Gaztelaniaz) Referentes. «Carmen García Mateo» Executivas (Noiz kontsultatua: 2022-03-07).
- ↑ a b «Wisibilizalas Carmen G. Mateo» espazoweb.com (Noiz kontsultatua: 2022-03-07).
- ↑ (Gaztelaniaz) «García Mateo, una mujer de éxito en enseñanzas técnicas» www.elcorreogallego.es (Noiz kontsultatua: 2022-03-07).
Kanpo estekak
aldatu
Datuak: Q98382833
