Carabus nemoralis

Carabus nemoralis
	Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Coleoptera
Familia	Carabidae
Leinua	Carabini
Generoa	Carabus
Espeziea	Carabus nemoralis; O.F. Müller, 1764

Carabus nemoralis kakalardo espezie bat da, Carabidae familiakoa, zientziarako Otto Friedrich Müllerrek 1764an deskribatu zuena. Europa mendebaldean aurkitzen da, bereziki erdialdean, eta iparralderantz eginez Islandia eta Ternuaraino iritsi da. Euskal Herrian ere aurkitzen da^[1].

Deskribapena aldatu

Kakalardo honen elitroek duten kolore marroi ilun distiratsuagatik "Brontzezko karabidoa" ezizena hartzen du. Pronotoa eta elitroen ertzak urdin-gorrindolak dira. 18-26 mmko tamaina du eta borobiltsua da^[2].

Beldarra iluna eta distira metalikoduna da. Gorputzeko segmentuak oso ongi bereizten zaizkio.

Habitata eta elikadura aldatu

Lurreko kakalardoa da, azkar ibiltzen dena. Harraparia da, Deroceras reticulatum izeneko barea ehizatzen du, bare gazteak eta arrautzak. Bare horrek uztak kaltetzen dituenez Carabus nemoralis kakalardoa onuragarria da nekazaritzarako. Horregatik ohikoa da nekazal eremuetan gizakien bizilekuen inguruan aurkitzea^[3].

Azken urteetan kontrol biologikorako erabiltzen hasi da Carabus nemoralis kakalardoa^[4].

Bizi zikloa aldatu

Metamorfosi konplexua betetzen du, arrautza, beldarra, pupa eta heldua. Arrautzak lurrean jartzen ditu emeak eta zikloa osatzeko hainbat urte har ditzake^[5].