Beldar
Beldarra lepidopteroen ordenako intsektuen larba da.
_Fausses_pattes.jpg)
Zizarearen tankerako gorputz luzexka dute, segmentutan zatitua. Ahoan pieza murtxikatzaileak dituzte. Abdomeneko eraztun gehienetatik hankak irteten zaizkie, eraztun bakoitzetik bi. Hosto-kimuak eta fruituak jaten dituzte. Gorputz biguna izaten dute, eta, maiz, kolore bizikoak dira, toxikoak edo gustu txarrekoak direla adierazteko. Ez dute ikusmen ona, eta gainerako zentzumenak ere ez dira oso eraginkorrak. Begi sinpleak dituzte, eta ez konposatuak helduek bezala. Antenak erabiltzen dituzte janaria bilatzeko.
Lepidopteroaren ondoz ondoko lau garapen-etapetan (arrautza, beldarra, krisalida, tximeleta), beldarra da bi etapa mugikorretako bat, eta animaliaren hazkundearen zatirik handiena bermatzen duena. Ugaltze-funtzioa tximeletari dagokio. Beldarraren garapenak hainbat muda behar ditu. Azken mudak muda ninfala izena du, eta ninfa-fasera igarotzea markatzen du. krisalida deitzen zaio lepidopteroetan.
Beraz, ninfal estadioa ninfan dagoen larba baten mudarekin hasten da (muda ninfala), eta ninfaren mudarekin amaitzen da, imago batean (muda imaginala).[1]
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Euskal Herriko Odonatuen identifikaziorako gakoa. 2. edizio handitu eta zuzendua, Iñaki Mezquita, Aranzadi Zientzia Elkartea.
Imagoa (Intsektu heldua, metamorfosiaren azken fasea), larba-fasea bukatzean azken mudatik (muda imaginala) kanpora atera
Ikus, gainera
aldatuKanpo estekak
aldatu
Datuak: Q81825
Multimedia: Caterpillars / Q81825
