Calocybe cerina

Calocybe cerina
Sailkapen zientifikoa
Erreinua	Fungi
Klasea	Agaricomycetes
Ordena	Agaricales
Familia	Lyophyllaceae
Generoa	Calocybe
Espeziea	Calocybe cerina; Donk, 1962
Basionimoa	Agaricus cerinus

Calocybe cerina Lyophyllaceae familiako onddoa da. Espezie honen txapela ganbil eta hemisferiko tartekoa da.^[1] Calocybe cerina izena duela gutxi erabili da bi Agaricus espezie desberdinetarako. Europako hainbat herrialdetako bildumak aztertu ondoren, ondorioztatzen da benetako Calocybe cerina Calocybe chrysenteron oso hurbil dagoela eta barietatetzat jotzen dela. Calocybe chrysenteron var. cerina konbinazio berria proposatzen da, eta taxon horren deskribapen osoa ematen da. Bilduma gehienak, Calocybe cerina izenarekin identifikatuak, onddo batekoak dirudite, Bon erakundeak behin-behinean Callistosporium luteoolivaceum fo. minor gisa deskribatu dituenak.

Sinonimoak: Calocybe chrysenteron var. cerina, Tricholoma cerinum, Rugosomyces cerinus.

Deskribapena

Kapela: 2 eta 4 cm bitarteko diametrokoa, ganbila edo titi pixka batekin, gero zabaldua, ia unbilikatua, leuna, hori-argizari (hemendik datorkio izena) koloretik arrexka-gorri kolorera, erdialderantz ilunagoa.

Orriak: Hori-zitrino kolorekoak, estu, atxikiak, ertz finbriatua.

Hanka: 1,5 eta 2 cm bitarteko garaierakoa eta 0,3 eta 0,4 cm bitarteko diametrokoa, laburra, hori argi kolorekoa arre kolorerako joerarekin, eta oinarrian ia belztuz; barnehutsa goialdean.

Haragia: Zuri-horixka, irinaren usainarekin eta zapore mikatz samarrarekin.^[2]

Etimologia: Calocybe terminoa grekotik dator, eta ederra edo polita eta burua esan nahi du. Esanahia: kapela edo buru eder batekin. Cerina epitetoa berriz latinetik dator, argizaria esan nahi duen “carens” hitzetik. Bere itxura distiratsuagatik.

Jangarritasuna

Ezezaguna.

Nahasketa arriskua

Rugosomyces chrysenteron delakoarekin nahas daiteke, baina honen kolorea ez da hain horia eta orriak estuago ditu.

Sasoia eta lekua

Koniferoen basoetan, eroritako eta lehortutako pinu-orratzen piloetan. Ale ugaritan.

Banaketa eremua

Kanada, Ameriketako Estatu Batuak, Europa, Kaukasia, Errusia, Kazakhstan.^[3]

Erreferentziak

↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 275 or. ISBN 84-282-0541-X (T. 3). ISBN: 84-282-0538-8 (O.C.)..
↑ Calocybe cerina: GBIF—the Global Biodiversity Information Facility.

Kanpo estekak

Datuak: Q105050149

[1] Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.

[2] (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 275 or. ISBN 84-282-0541-X (T. 3). ISBN: 84-282-0538-8 (O.C.)..

[3] Calocybe cerina: GBIF—the Global Biodiversity Information Facility.

[1]

[2]

[3]