Bray

Bray (gaeleraz Bré aurretik Brí Chualann) Irlandako Wicklow konderriko hiri handiena da, ez ordea hiriburua. Bere tamaina Dublinen hegoaldean kokaturik egoteak ematen dio. 26.852 biztanle ditu (2011), inguruko nekazal eremuak hartuta 31.872 biztanle.

Bray Bré
Irlanda
Administrazioa
Estatua	Irlandako Errepublika
Probintzia	Leinster
Konderria	Wicklow konderria
Geografia
Koordenatuak	53°12′05″N 6°06′39″W
Altuera	18 metro
Demografia
Biztanleria	32.600 (2016)
Bestelako informazioa

Artikulu hau Irlandako udalerriari buruzkoa da; beste esanahietarako, ikus «Bray (argipena)».

Etimologia

Gaelerazko Bré izenak muinoa esan nahi du.

Geografia

Bray Wicklowko konderriaren iparraldean dago, Dublineko konderriarekin muga egiten. Hori dela eta, Bray ekonomikoki eta geografikoki Dublin barne dago. Hain zuzen ere Dublineko autobus eta tren zerbitzuak ditu. Brayren hegoaldean beste hiri inportante bat aurki dezakegu, Greystones. Dargle ibaia itsasoratzen da Brayn.

Historia

Erdi Aroan The Pale eremuan zegoen eta Dublingo gaztelutik britainiarrek agintzen zuten Brayn. XVII eta XVIII mendeetan arrantzale herri txikia baino ez zen baina 1854ean trenbidea iritsi zen eta Dublingo goi-klaseko jendea Brayra etortzen hasi zen lasaitasun bila.

Gaur egun aisialdirako herria da, turistak Dublindik aparte Ipar Irlanda, Ingalaterra eta Eskoziatik ere etortzen direlarik.

Hiritar ezagunak

• Katie Taylor (1986-), boxeolaria, 2012ko olinpiar txapelduna
• Hozier (1990-), musikaria

Kirolak

Aipaturiko Katie Taylor boxeolariaz gain Brayko futbol taldeek hiru aldiz irabazi dute Irlandako futbol kopa: Bray Wanderers A.F.C.-k (1990 eta 1999) eta aurretik Transport F.C.-k (1950).

Hiri senidetuak

• Bègles (Frantzia)
• Würzburg (Alemania)
• Dublin (Kalifornia) (AEB)

Kanpo estekak

• (Ingelesez) Udalaren webgunea

• Datuak: Q652000
• Multimedia: Bray, County Wicklow