Wicklow konderria

Wicklow konderria
	Irlandako Errepublika
Administrazioa
Estatu burujabe	Irlandako Errepublika
Province of Ireland	Leinster
ISO 3166-2	IE-WW
Hiriburua	Wicklow
Zatiketa	ikusi Arklow (en) , Baltinglass (en) , Bray (en) , Greystones (en) eta Wicklow (en) ;
Geografia
Koordenatuak	53°00′00″N 6°25′00″W / 53°N 6.4167°W
Azalera	2.027 km²
Mugakideak	Dublingo konderria, Kildareko konderria, Carlowko konderria eta Wexfordeko konderria
Demografia
Biztanleria	142.332 (2016); 5.692 (2011)
Dentsitatea	70,22 bizt/km²
Ordu eremua	UTC±00:00
Matrikula	WW
	wicklow.ie

Wicklow konderria (gaeleraz Contae Chill Mhantáin) Irlandako ekialdean dago kokatuta, Leinsterreko probintzian. 2.024 km2-ko azalera dauka eta 136.640 biztanle zituen 2011an. Wicklow/Cill Mhantáin da hiriburua eta Bray/Bré hiri nagusia.

Geografia

Natura

Wicklow mendiek konderria gora beheraz betetzen dute. Mendiak hala ere baxuak dira, handiena Lugnaquilla da, 925 metroko altuera duena. Avoca ibaia oso osorik konderrian dago eta Liffey ibaia bertan sortu eta Dublinerantz jotzen du.

Hiriak eta herriak

Bray/Bré (31.872 biztanle)
Greystones/Na Clocha Liatha (17.080)
Arklow/An tInbhear Mór (13.009)
Wicklow/Cill Mhantáin (10.356), hiriburua
Blessington/Baile Coimín (5.010)

Historia

Wicklow izan zen ingelesek azkenengo sortu zuten konderria, Dublin eta Carlowko lur zati bana belkartuaz eratu baitzuten 1606an. Bertakoa zen O'Byrnes leinua jarri zuten konderriaren agintzari. Konderri garrantzitsua zen hala ere, Wicklow mendiak zeharkatzen zuen bide militarra ezinbestekoa baitzen tropa britainiarrak Dublindik atera eta bueltatzeko.

Ondasun nabarmenak

Pertsona ezagunak

Charles Stewart Parnell (1846-1891), politikaria.
Katie Taylor (1986- ), boxeolaria, 2012an txapeldun olinpikoa.

Kirolak

Joko gaelikotan aritzen den Wicklow GAA taldeak ez du inoiz txapelketa nagusirik irabazi, ez futbol gaeliko ez eta hurlingean ere. Ohiko futbolean aldiz hiru aldiz jaso dute Irlandako futbol kopa konderriko taldeek; Bray Wanderers A.F.C. (1990 eta 1999) eta aurretik Transport F.C. (1950).

Azkenik aipatu behar Londresen izandako 2012ko Udako Olinpiar Jokoetan bertakoa den Katie Taylor boxealaria txapeldun olinpikoa izan zela.