Bilirrubina

Biliberdinatik eratorritako behazun-pigmentu gorri-laranja. Eritrozito zaharren suntsipenaren ondorioz askatzen den hemoglobina degradatzean eratzen da. Gehiegizko kontzentrazioak min horia eragiten du.

Bilirrubina eritrozitoen barnean dagoen hemoglobinaren degradazioaren ondorioz sortutako pigmentu horixka da.

Bilirrubina
Bilirubin.svg
Formula kimikoa C₃₃H₃₆N₄O₆
SMILES kanonikoa 2D eredua
SMILES isomerikoa
CC1=C(NC(=C1CCC(=O)O)CC2=C(C(=C(N2)/C=C\3/C(=C(C(=O)N3)C)C=C)C)CCC(=O)O)/C=C\4/C(=C(C(=O)N4)C=C)C
InChl 3D eredua
Osatuta nitrogeno eta karbono
Masa molekularra 584,263 u
Erabilera
Rola Antioxidatzaile
Identifikatzaileak
InChlKey BPYKTIZUTYGOLE-IFADSCNNSA-N
CAS zenbakia 635-65-4
ChemSpider 4444055
PubChem 5280352
Reaxys 74376
Gmelin 16990
ChEBI 411033
ChEMBL CHEMBL501680
EC zenbakia 211-239-7
ECHA 100.010.218
MeSH D001663
RxNorm 244686
Human Metabolome Database HMDB0000054
KNApSAcK C00029828
UNII RFM9X3LJ49
NDF-RT N0000022558
KEGG C00486
PDB Ligand BLR

Eritrozito zaharrak hiltzen direnean haien mintz zelularra apurtzen da, barneko hemoglobina askatuz. Ehunetan dauden makrofagoek hemoglobina hori hartzen dute, hemoglobinaren porfirina bilirrubinan eraldatuz. Sortutako bilirrubina proteina garraiatzaile bati (albumina) atxikitzen zaio, odolean zehar bidaiatuz eta gibelera helduz. Gibelean bilirrubina azido glukonikoarekin elkartzen da eta hesteetara pasatzen da, behazunarekin kanporatuta izanik. Bilirrubinaren zati txiki bat gibeletik odolera pasatzen da, eta gernuarekin iraizten da.

Odolean dagoen bilirrubinaren maila normalak 0,1-1 mg/100 ml-koak dira. Gibeleko zenbait gaitzek (hepatitisa, zirrosia...) maila horiek handitzen dituzte, gibelak ez baitu iristen zaion bilirrubina ongi jasotzen, eta molekula hori odolera pasatzen da. Odolean dagoen bilirrubinaren kontzentrazioa 2 mg/100 ml-ko baino handiago denean ikterizia agertzen da. Kasu honetan gernuan dagoen bilirrubina maila ere igotzen da,eta gernuaren kolorea nabarmen iluntzen da.

Kanpo estekakAldatu