Carlos Álvarez Cruz
Carlos Álvarez Cruz (Jerez de la Frontera, 1933ko abenduaren 27a - Madril, 2022ko otsailaren 27a) espainiar poeta eta hizlaria izan zen.[1]
Carlos Álvarez Cruz | |
---|---|
Bizitza | |
Jaiotza | Jerez de la Frontera, 1933ko abenduaren 27a |
Herrialdea | Espainia |
Heriotza | Madril, 2022ko otsailaren 27a (88 urte) |
Hezkuntza | |
Hizkuntzak | gaztelania |
Jarduerak | |
Jarduerak | idazlea |
Genero artistikoa | olerkigintza |
Biografia aldatu
Andaluzian jaiota "hogeitamar urtez Mieresen jaio zela" esan ohi du; horrela izendatu zuten Carabancheleko espetxean bertan zeuden mehatzari asturiarrek. Horregatik beti esan du berea andaluziar-asturiarra dela. Familia errepublikanoa zuen. Frankistek gerra hasieran bere aita, asalto-guardien kapitaina, Sevillan fusilatu zuten. Urte horiek bere bizitza eta obra erabat markatu zuten. Zuzenbidea eta Filosofia ikasketak hasi zituen burutu gabe. Soldaduska Ceutan egin zuen. Urtetan Europa osoa ezagutu zuen. Haren esanetan lehenengo poema Vienan idatzi zuen eta bere lehenengo liburua Kopenhagen plazaratu zuen, zentsuratik pasa gabe. Behin baino gehiagotan espetxeratuta, haren liburu asko danieraz argitaratu dira. Gaur egun Madrilen bizi da.[2]
Sariak aldatu
- Antonio Machado Sarian finalista, Escrito en las paredes liburuarekin.
- Lovemanken saria Escrito en las paredes liburuarekin 1963an.
Estiloa aldatu
Bere poesia Blas de Otero eta Angela Figuera Aymerich[3] lanetatik gertu egon da zenbait momentutan, hau da, poesia soziala bezala ezagutu den poesia motatik. Horiekin batera Miguel Hernández, Rafael Alberti eta Antonio Machadoren eragin zuzena ezagutu du. Dena dela, esperimentalismoa ere ez du baztertu bere lanean. Haren poemak hizkuntza askotara itzuli egin dira: danieraz, suedieraz, italieraz, errusieraz, frantsesez, arabieraz...
Obra aldatu
Poesia liburuak aldatu
- Escrito en las paredes (1962)
- Noticias del más acá (1964)
- Papeles encontrados por un preso (1967)
- Tiempo de siega y otras hierbas (1970)
- Aullido de licántropo (1975)
- Versos de un tiempo sombrío (1976)
- Como la espuma lucha con la roca -páginas para una autobiografía poética- (ZERO, Bilbo, 1976).
- Los poemas del bardo (1977)
- La campana y el martillo pagan al caballo blanco (1977)
- Dios te salve, María... y algunas oraciones laicas (1978)
- Cantos y cuentos oscuros (1980).
- Reflejos en el Iowa River (Orígenes, 1984)
- Entre el terror y la nada (1989).
- Tercera mitad. Antología (La Eneida, 2007)
Saiakerak aldatu
- De palabra y por escrito. Madril: Ediciones Vosa, 1990.
- Lloresn Poy. Madril: Ediciones Rayuela, 1977. ISBN 9788485253142[4]
Erreferentziak aldatu
- ↑ Diario de Jerez.
- ↑ Alfredo Gómez Gil: 13 poetas testimoniales, EDAF, 2000, 165-168 or.
- ↑ Idazle bilbotarra poema bat eskaini zion.
- ↑ http://www.mcnbiografias.com/app-bio/do/show?key=alvarez-cruz-carlos
Kanpo estekak aldatu
- (Gaztelaniaz): David Felipe Arranzen artikulua Carlos Alvarezi buruz.