Belarria hotsak atzematen dituen organo anatomikoa da. Ornodunen belarriek biologia erkidea daukate, arrainetatik hasi eta gizakietaraino, ordenen eta espezieen arabera aldaketak dauden arren. Bere eginkizuna ez da soilik hotsa jasotzea, orekan eta gorputzaren kokapenean ere zeregin nagusia betetzen baitu. Belarria entzumen-sistemaren ataletako bat da.

Belarri
Closeup of a human ear.jpg
Xehetasunak
Honen parteburua
KonponenteakKanpo belarria
Erdi belarria
Barne belarria
Identifikadoreak
MeSHeta A09.246 A01.456.313 eta A09.246
TAA01.1.00.005 eta A15.3.00.001
FMA52780
Terminologia anatomikoa
Artikulu hau entzumenaren organoari buruzkoa da; beste esanahietarako, ikus «Belarri (argipena)».

Belarri hitza bi modutara ulertzen da, organo osoa adierazteko edo soilik zati ikusgarriari deitzeko. Animalia askotan, belarri ikusgarria belarri-hegal deritzon ehun tolestua besterik ez da. Entzumenaren prozesuan parte hartzen duen lehen atala da, eta ez du eginkizunik betetzen orekaren zentzumenean. Gizakietan atal honi aurikula ere deitzen zaio. Ornodunek belarri-parea daukate, buruaren bi aldeetan simetrikoki kokaturik. Kokapen honek soinu-sorburuak aurkitzen laguntzen du.

Belarriaren funtzionamendu orokorraAldatu

Hotsa hautemateari entzumena deritzo. Hotsa eguratsean, uretan eta beste materia batzuetan presio-uhin gisa higitzen den energia da. Belarria hotsa atzematen duen organoa den arren, burmuina eta nerbio-sistema zentrala dira "entzuten" dutenak. Hots-uhinak hautemateko, nerbio-sistema zentralaren entzumen-atalean dauden nerbio-zelulak dira kinadak burmuinera bideratzen dituztenak.

Belarriaren kanpoko aldeak soinua biltzen du. Hots-presio hori anplifikatu egiten da erdiko belarrian eta, barne-belarrira igarotzean, animalia lurtarretan, eguratsetik ingurune isurkarira igarotzen da. Izan ere, barne belarria, hezur tenporalean txertaturik dagoena, barrutik isurkariz beterik dago, eta zelula betiledunez jositako epitelio sentsoriala dauka. Zelula hauek betile mikroskopikoak jariakinean sartuta dauden proteina-harizpiak dira. Zelula hauek kitzikatzen direnean, neurotransmisore kimiko bat askatzen dute. Hots-uhinak jariakinean barrena higitzen dira harizpiak bultzatuz, eta bultzada aski sendoa bada, neurotransmisorearen askapena gertatzen da. Mekanismo horren bidez, hots-uhinak nerbio-bulkada bihurtzen dira.

Kanpo estekakAldatu