Letra azpimarratu

Letra azpimarratua ortotipografian letra arruntaren azpian marra bat daroan letra mota izendatzeko erabiltzen da.

Letra arrunta, azpimarratu gabea eta letra azpimarratua duen testua. Azken bi lerroak eta bigarren lerroko azken hitza daude azpimarratuta.

Azpimarratzea nabarmendu nahi den hitzaren (edo hitzen) azpian lerro bat marraztea da. Nabarmentzeko modu hori eskuzko idazkeran sortu zen, inprenta asmatu baino lehen. Gaur egun ere, makinaz idatzitako testuetan ere erabiltzen da batzuetan, hitz bat edo batzuk nabarmentzeko —enfasia emateko—, letra etzanaren edo lodiaren baliokide gisa. Dena dela, testu inprimatuetan azpimarratua ia ez da erabiltzen enfasia emateko, letra xeheen beheranzko trazu bertikalak ebakitzen dituelako (g, j, p, q eta y letretan) eta hori irakurgarritasunaren kalterako delako.

Eskuzko idazkeran

Lerro batzuk azpitik azpimarratuak kolore berde argiko markatzaile bat erabiliz.

Eskuz, klarionaz idatzitako testu bat azpitik azpimarratua.

Eskuzko idazkeran azpimarratzeko, idazteko erabiltzen ari zen arkatz beraz, bolaluma beraz edo klarion beraz, marra bat erabili izan da letra guztien azpitik (eskuineko irudian bezala), normalean hitzetik hitzera zegoen tartea ere lerro bakar batekin lotuz. Azpimarratzeko beste era bat zera da: kolore argi biziko markatzaile bat erabiltzea. Horrelako markatzaileekin letren gainean, edo letren azpian (ezkerreko irudian bezala), kolore argi nabarmen bat ezartzen zen.

Ikus, gainera

• Letra tipo erregular, erromatar edo letra-tipo roman.
• Letra etzan.
• Letra lodi.
• Serif
• Sans-serif
• Letra-tipo gaelikoa

Kanpo estekak

• Datuak: Q1187096
• Multimedia: Underlining / Q1187096