Azido fluorhidriko

Azido fluorhidrikoa hidrogeno fluoruroaren soluzio akuosoa da, hidrogenoak eta fluorrak (HF)_x eratutako konposatu kimiko biziki arriskutsua. Ez da beirazko elementuekin kontaktuan jarri behar, jan egin baitezake, honegatik, plastikozko materialak erabiliz tenperatua oso hotzetan manipulatzen da.

Azido fluorhidriko
Irudi gehiago
Formula kimikoa	HF
SMILES kanonikoa	2D eredua
MolView	3D eredua
Konposizioa	ur eta hidrogeno fluoruro
Eponimoa	Fluorita
Mota	hydrohalic acid (en)
Ezaugarriak
Azidotasuna (pKa)	3,17
Fusio-puntua	−44 ℃
Irakite-puntua	85,8 ℃
Masa molekularra	20,006228252 Da
Arriskuak
NFPA 704	0 4 0
Identifikatzaileak
InChlKey	KRHYYFGTRYWZRS-UHFFFAOYSA-N
CAS zenbakia	7664-39-3
PubChem	16211014 eta 14917
Gmelin	29228
RTECS zenbakia	MW7875000
ZVG	520038
DSSTox zenbakia	MW7875000
MeSH	D006858
UNII	RGL5YE86CZ

Datu fisikokimikoak

• LD50: 180g/kg
• Lantokietan onartutako gehienezko kontzentrazioa: milioiko 2 zati hiltzeko

Aplikazioak

Azido fluorhidrikoa kimika organikoan fluoratutako konposatu organikoak lortzeko, petrokimikan katalizatzaile bezala, aluminioa lortzeko erabiltzen den kriolita (Na₃AlF₆) artifiziala lortzeko, uranio fluoruroa (UF₆) bezalako fluoruro inorganikoak eta, batzuetan, disolbatzaile bezala erabiltzen da. Beira edo kristalaren industria eta prestaketan ere erabiltzen da tailatzeko eta grabatzeko. Granitozko arroken ikerketa petrografikoetan berezko bezala erabiltzen da bere lurrunekin arroka osatzen duten silikatuak disolbatzeko, ondoren, ur destilatuarekin leunki garbitu eta gero sodiozko kobalto-nitritoarekin estalia izateko, zeinek, selektiboki, potasiozko feldespatoak hori kolore biziz margotuko dituen, ondoren, kolorearen arabera plagioklasazko feldespatoengandik bereiztuak izango direnak, hala, arroka igneoa identifikatzea ahalbidetuz.

Toxikologia

Substantzia narritagarri, korrosibo eta toxiko bat da. Larruazalean, sendatzeko oso zailak diren erredura oso mingarriak eragiten ditu. Hau, sendatze prozesuan behar den kaltzioa fluoruroekin fluoruro kaltziko (CaF₂) bezala prezipitatzen delako gertatzen da. Azido fluorhidrikoak eragindako erredura bat gertatu baldin bada, "laborategiko kit"eko ur askorekin garbitzea gomendatzen da, ez ur arruntarekin, eta, lehen neurri bezala kaltzio glukonatozko gel batekin tratatu (substantzia hau dagoen edo erabiltzen den toki guztietan eskuragarri egon behar duena), halakorik egon ezean kaltzio laktato edo kaltzio zitratozko disoluzio bat erabili beharko litzateke, eta, hauek ere egon ezean, esnea. Bere lurrunak arnastuz gero, larrialdi mediko bat da. Oxigenoa maskara bidez aplikatuz tratatzen da (ez da beste materialik gomendatzen narritagarriak izateagatik), biktimak arnasa hartzen badu bere kontzientzia maila neurtu behar da. Unea iritsiz gero, berpizte teknika erabili behar da halakorik behar balitz. Begietara eroriz gero soilik soluzio fisioligiko ugarirekin tratatu behar da, arnasketaren kasuan bezala, narritagarriak izateagatik ez dira gomendatzen kaltzio konposatuetan oinarritutako substantziarik. Kasu guztietan, salbuespenik gabe, larrialdi mediko bezala tratatu behar da lehen laguntzak eman ondoren.

Kanpo estekak

• Datuak: Q209569
• Multimedia: Hydrofluoric acid / Q209569