And did those feet in ancient time

And did those feet in ancient time (euskaraz Eta aintzin aroan oin horiek) William Blake ingeles olerkariak bere Milton a Poem idazlaneko hitzaurrean erabilitako hitzetan oinarritzen den ereserki edo abesti bat da. 1916an Sir Hubert Parry idazle eta konposatzaileak musika moldatu zion. Gaur egun ereserkia hau askoz ere ezagunagoa da Jerusalem izenburuaz. Ingalaterran ereserki hau agitz ezaguna da.

Gaia

Olerki edo ereserkiaren gaia kondaira batean oinarritzen da. Honen arabera, Nazareteko Jesus gaztea eta bere osaba Jose Arimateakoa gaur egun Ingalaterra den lurraldera etorri eta Glastonbury bisitatu omen zuten. Kondaira honek Apokalipsiarekin lotura du (3:12 eta 21:2 pasarteak), bertan Jesusek Jerusalem Berria ezartzen duelarik. Kristau Elizan, eta bereziki Ingalaterrako Elizan, Jerusalem izendapena Zeruaren metafora bat da, bake eta maitasun unibertsalaren eremua.

Kirola

Ingalaterrako errugbi selekzioaren partidu ugaritan maiz entzun ohi da, erlijio ereserkia izateaz gain, Ingalaterran nortasun eta kirol ereserkia ere bai baita.

Zinema

1981eko Chariots of Fire filmaren amaieran elizan Harold Abrahams atletaren hiletaren pasartean ereserki hau entzuten da.

Filmaren "Suzko Gurdiak" izenburua bera ere ereserkia honen hirugarren bertsoaren amaieran aipatzen da: "Bring me my Chariot of fire!", ("Ekar diezaidazu nire suzko Gurdia!"). Hortik, filma honen amaieran ereserkia hau entzun ahal izatea.

Hitzak

Jerusalem ereserkiaren hitzak.

Ingelesez And did those feet in ancient time Walk upon England’s mountains green? And was the holy Lamb of God On England’s pleasant pastures seen?	Euskaraz Eta aintzin aroan oin horiek Ingalaterrako mendi berdeetan oinez al zebiltzan? Eta Jainkoaren Bildotsa Ingalaterrako larre goxoetan zegoela iruditu?
And did the Countenance Divine Shine forth upon our clouded hills? And was Jerusalem builded here Among these dark Satanic mills?	Eta Jainkozko Aurpegiak gure muino lainotsuez gain dizdiratuko al zuen? Eta Jerusalem hemen Deabruzko errota ilunen artean eraiki ote zen?
Bring me my bow of burning gold Bring me my arrows of desire Bring me my spear: O clouds unfold! Bring me my chariot of fire.	Ekar diezaidazue nire urre suharrezko arkua Ekar diezaizkidazue nire desiozko geziak Ekar diezaidazue nire lantza: Oi zabaldu lainoak! Ekar diezaidazue nire suzko gurdia.
I will not cease from mental fight Nor shall my sword sleep in my hand Till we have built Jerusalem In England’s green and pleasant land.	Ez dut nire barne borrokan etsiko Ezta nire ezpatak nire eskuan lo hartuko Harik eta Ingalaterrako lur berde eta goxoan Jerusalem eraikiko dugun arteraino.

Kanpo estekak

• Jerusalem ereserkia entzungai eta bere hitzak irakurgai.Youtube.com (Ingelesez)
• Jerusalem ereserkia Ingalaterrako Errege Ezkontzan entzungai.Youtube.com (Ingelesez)
• Chariots of Fire filmaren amaierako pasartea ikusgai, Jerusalem ereserkia entzungai dela. Youtube.com (Ingelesez)
• Jerusalem ereserkia Ingalaterrako errugbi selekzioaren partida baten atarian entzungai.Youtube.com (Ingelesez)

• Datuak: Q77425249