Aitziber Urrutia
Aitziber Urrutia Berrueta (Elorrio, Bizkaia, 2002) goi-mailako eskalatzailea da. 2021eko Espainiako Eskaladako txapelduna da zailtasunean.[1]
| Aitziber Urrutia | |
|---|---|
 | |
| Bizitza | |
| Jaiotza | Elorrio, 2002 (21/22 urte) |
| Herrialdea |  Bizkaia, Euskal Herria |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | eskalatzailea |
Biografia aldatu
Txikitatik eskalatu du, besteak beste, neba eta entrenatzaile den Martin Urrutiarekin. Eskaladatik bizitzea zaila da eta fisioterapia ikasten ari da. Ez da erraza aldi berean goi-mailako kirolaria izatea eta ikasketak jarraitzea, beti erlojuaren kontra ibili beharra dagoelako biak uztartzeko.
Eskalada asko gustatzen zaionez, zama mantentzeko prest dago. Hala ere, badu tarterik aisialdirako zein bizitza soziala mantentzeko.
Lehen, behe mailan ari zenean, ordu batzuk entrenatuta eta txapelketetara joanda nahikoa zen. Baina orain, goi-mailan ari dela, maila eta esfortzua askoz handiagoa da.
Txapelketetan presio handia dago, kanpokoa eta barrukoa, pertsonala. Kanpoko presioak, hainbat gauza pentsarazten du, hala nola, ikusleek zer pentsatuko duten jausiz gero, entrenatzailearen presioa, ikusten dagoen jende kopurua… Bestalde, norberak bere buruari jartzen dion presioa dago, horretan zorte handia du psikologo deportiboarekin lantzen baitu presio hori.[2]
Dieta dela eta, Aitziberrek zera dio, eskalatzaileek ez dutela dieta konkretu bat jarraitzen, baina, kirol guztietan legez, beharrezkoa dela zaintzea, batez ere txapelketa aurretik, entrenamendu zehatz batzuk egin behar direnean, eta, zer esanik ez, txapelketa bitartean, jarraibide batzuk kontuan hartu behar baitira. Bestela, egunerokoan ez.
Eskalada munduan Elikadura-arazoak ohikoak direla gaineratu du, batez ere nesken artean eta hurbileko kasuren bat ere ezagutzen du. Bere taldean (Euskal Eskalada Selekzioa) hainbat kasu izan dira, oso gazteen artean batez ere, gehienak neskak gainera.[2]
Genero kontuari buruz txapelketan eta klubetan desberdintasunak nabaritzen dira, baina ez asko. Txapelketetan bloke desberdinak izaten dira mutil eta neskentzat. Batzuetan neskek eta mutilek berdina egiten dute, baina neskei errazago jarrita, zentzu berezirik gabe. Entrenatzean ere komentarioak entzun izan ditu.
Fisikoki desberdintasunak daude ,mutilek indar gehiago baitute, baina beti ez da horrela. Txapelketetan mutilei indarrarekin zerikusia dituzten gauzak jartzen dizkiete eta neskei, ostera, teknikoagoak. Neska-eskalatzaileei askotan gertatzen zaie mutilak eskalatzen ikustean oso gogorra dela pentsatzen dutela eta ez direla ausartzen, baina gero egiteko gai dira.[2]
Aitziberren ustez, eskalatzea onuragarria da. Osasuntsu mantentzen laguntzen dio. Gainera, bizitzeko modu bat da Aitziber, bere-berea den zerbait. Kirol indibiduala denez, bere burua ezagutzen eta urduritasunak gestionatzen erakutsi dio. Horretaz gain, asko bidaiatzeko aukera ematen dio, baita jende asko ezagutzeko ere.
Sariak aldatu
Lorpenak aldatu
2021eko urriko azken asteburuan Espainiako Eskalada Txapelketek Berriobeitiko (Nafarroa) Rocopoliseko horman lehian izan ziren 250 eskalatzaile baino gehiago. Tokioko Olinpiar Jokoetan gertatu bezala, hiru diziplinatan lehiatu ziren: abiadura, blokea eta zailtasuna.
Aitziber Urrutiaz gain Domina eskuratu zuten Eneko Carreterok, Oihane Ruiz de Argandoñak, Erik Noyak, Iker Carrerak, Leire Ruiz de Argandoñak, Irati Guenetxeak, Haizea Osesek, Mikel Linazisorok, Isaac Estevezek, Unax Utergak, Joanes Espartak eta Intza Elizaldek; bi domina, ostera, Ainizhe Belarrek (blokean eta zailtasunean), eta Ines Allendek (abiaduran eta zailtasunean).
Aitziber pozik dago Espainiako Txapelketan zailtasunean lortutako emaitzarekin, zera esan zuen Begixu aldizkarian egindako elkarrizketan: «Egia esan, denboraldia lehen postu batekin bukatzeak ilusio handia egin dit. Honek datozen txapelketetarako entrenatzen jarraitzeko are motibazio handiagoa ematen dit».
Blokean ere saiatu zen, baina urduri jarri zen: akats txiki batzuk egin zituen, eta ez zen guztiz gustura gelditu. Bigarren postuarekin konformatu behar izan zuen.
Zailtasuneko Espainiako Kopako azken proban erakutsi zuen sasoiko zegoela, eta Berriobeitin berretsi egin zuen. «Kopako azken probako sentsazioek eta emaitzak indarra eman zidaten txapelketa honi aurre egiteko, banekielako posible zela emaitza ona lortzea. Txapelketa osoan indartsu eta gogotsu sentitu nintzen, gehienbat zailtasunean».
Urtea amaitzeko, Blokeko Espainiako Kopa jarri du helburu.[1]
Erreferentziak aldatu
- ↑ a b c Ugartemendia, Unai. «Arrastoa uzten dute oraindik» Berria (Noiz kontsultatua: 2022-01-28).
- ↑ a b c «Aitziber Urrutia» Begixu (Noiz kontsultatua: 2022-01-28).
Kanpo estekak aldatu
Datuak: Q110726393
