Agapanthia cardui
Agapanthia cardui Cerambycidae familiako kakalardoa da, zientziarako Lineok 1767an deskribatu zuena. Europa hegoaldean eta erdialdean hedaturik dago[1], Euskal Herrian ere aurkitzen da[2].
| Agapanthia cardui | |
|---|---|
 | |
| Sailkapen zientifikoa | |
| Erreinua | Animalia |
| Filuma | Arthropoda |
| Klasea | Insecta |
| Ordena | Coleoptera |
| Familia | Cerambycidae |
| Leinua | Agapanthiini |
| Generoa | Agapanthia |
| Espeziea | Agapanthia cardui Linnaeus, 1767 |
Deskribapena
aldatuKakalardo txikia da, 9-12 mm neurtzen ditu[3]. Kolorez nahiko aldakorra izan daiteke, baina normalean beltza da, orban berdeak dituena eta ile finez estalita dagoena. Lerro zuri-horixka batek zeharkatzen du gorputza[3]. Gorputza bera estua eta luzea da.
Antenak oso luzeak dira, gorputza baino luzeagoak, eta 12 artikulazio dituzte. Kolorez ilunak dira baina artikulazioak argiak dira[4].
Habitata
aldatuIngurune lehorrak atsegin ditu[1] eta kardutaz elikatzen da, hortik cardui izena.
Bizi zikloa
aldatuHelduak martxoa eta uztaila artean ikusten dira. Karduetan eta orburuetan ikustea ohikoa da[3]. Lorez lore egiten dute hegan eguzki betean. Kardu espezie ezberdinetan arrautzak jartzen ditu emeak eta haien zurtoinetan urtebetez garatzen dira beldarrak[1].
Iruditegia
aldatu-
Alboko ikuspegia. -
Bikotea kopulan. -
Burua.
Erreferentziak
aldatu- ↑ a b c «Longicornio de los cardos | Animalandia.» animalandia.educa.madrid.org (Noiz kontsultatua: 2024-04-27).
- ↑ «EHAEko Coleoptera Catalogoa|Heteropterus» www.heteropterus.org (Noiz kontsultatua: 2023-09-09).
- ↑ a b c «Guía Visual de la Biodiversidad de Navarra» www.guiavisual-gorosti.org (Noiz kontsultatua: 2024-04-27).
- ↑ (Katalanez) Banyarriquer dels cards – El medi natural del Bages i del Moianès. (Noiz kontsultatua: 2024-04-27).
Kanpo estekak
aldatu
Datuak: Q2557363
Multimedia: Agapanthia cardui / Q2557363
Espezieak: Agapanthia cardui
