Adenosina
Adenosina adenina base nitrogenatuak eta erribosa azukreak osatzen duten nukleosido bat da.
Adenosina fosforilatzen denean nukleotido bat sortzen da (adenosin monofosfatoa -AMP-, adenosin difosfatoa -ADP- edo adenosin trifosfatoa -ATP- fosfato talde bat, bi edo hiru -hurrenez hurren- lotzen direnean).
Bere pisu molekularra 267,097 daltonekoa da eta bere urtze-puntua 235º C-koa da.
Adenina desoxirribosa bati lotzen zaionean desoxiadenosina nukleosidoa sortzen da.
Funtzioak aldatu
Adenosinak funtsezko zeregina burutzen du energia transferitzeko prozesu biokimikoetan, zeinetan ADP eta ATP moduan jarduten duen. Halaber, seinaleen transdukzioan ere parte hartzen du, AMPc moduan.
Bestalde, nerbio-sistema zentralaren neuromoduladore bat da. Efektu lasaigarriak eta inhibitzaileak ditu nerbio-sistemaren gain.