Ángeles Blanco
| Ángeles Blanco | |
|---|---|
| Bizitza | |
| Jaiotzako izen-deiturak | Ángeles Blanco González |
| Jaiotza | Badajoz, 1972ko urriaren 16a (52 urte) |
| Herrialdea |  Espainia |
| Bizilekua | Madrilgo Erkidegoa |
| Talde etnikoa | Mediterranean race (en)  |
| Lehen hizkuntza | gaztelania |
| Familia | |
| Ezkontidea(k) | Vicente Vallés |
| Hezkuntza | |
| Heziketa | Faculty of Information Sciences (Complutense University of Madrid) (en) (1990 - 1995) : Q67146338 , kazetaritza |
| Hizkuntzak | gaztelania |
| Jarduerak | |
| Jarduerak | telebista aurkezlea, kazetaria eta irrati-esataria |
| Lantokia(k) | Fuencarral (en) |
| Enplegatzailea(k) | Atresmedia (1992 - 1993) Mediaset España (1993 - |
| Genero artistikoa | contemporary literature (en) |
   | |
Ángeles Blanco González (Badajoz, 1972ko urriaren 16a) extremadurar kazetaria da eta telebistako albistegien aurkezle ezaguna. 1993tik Mediaseteko Informazio Zerbitzuei lotuta dago.[1]
Biografia
aldatuInformazio Zientzietan lizentziaduna da, Madrilgo Unibertsitate Konplutentsean.
Kazetari ibilbidea
aldatu1992an albistegietako kazetari gisa egin zuen lehen lana, Onda Cero Extremaduran, albistegien alorrean; eta urtebete geroago, hogei urte zituela, telebistan hasi zen lanean, Telecincoko albistegiaren aurkezle, Miguel Ángel Aguilarrek gidatzen zuen Entre hoy y mañana saioan.
1994an Atal Nazionalean sartu zen politikaz eta Gobernuko lehendakaritzaz arduratzeko, eta jarduera hori Telecincoren informazio-aurrerapenekin uztartu zuen. 1997an, goizeko albistegiaren editorea eta aurkezlea izan zen, eta 1998an Asteburuko edizioaren ardura hartu zuen. Urtebete geroago, edizio horretako aurkezle eta editore laguntzaile jarraitu zuen Vicente Vallésekin batera, eta 2004ra arte lan horretan aritu zen.[2] Ondoren, Juan Pedro Valentínekin batera, informatibo nagusiaren mahaian eseri zen kazetaria.[3]
Korrespontsal politiko lanetan parlamentuko informazioa, lehendakaritzako bidaiak eta nazioarteko gailurrak bete ditu. Espainiako eta Ameriketako Estatu Batuetako hauteskundeetako zenbait saio bereziren buru ere izan da.[4]
2005eko irailean, 21:00etako edizioa aurkeztu zuen, eta 2007ko azarotik 2009ko irailera, berriz ere goizean, Daniel Gómezekin batera. 2011n, Carme Chaparroren amatasun-baja bete zuen asteburuko edizioetan, José Ribagordarekin batera. 2017. urteko urtarrilean hasi zen asteburuko edizioan.[5]
Argitalpenak
aldatu- Blanco, Á.; Maffeo, J. (2009). Sahara. Un viaje a la sabiduría de las gentes del desierto. Madrid: La Esfera de los Libros. ISBN 9788497348317. [6]
Bizitza pertsonala
aldatuBadajozekoa da, eta 1999az geroztik Vicente Vallés (Madril, 1963) kazetariarekin ezkonduta dago.[7][8]
Leticia Antunez kazetariaren lehengusina da, zeinek Extremadura kanaleko kiroletan lan egiten duen 2006. urtetik, eta Extremadura Deportes 2 aurkeztu du kanal horretan.
Erreferentziak
aldatu- ↑ (Gaztelaniaz) FormulaTV. «Ángeles Blanco» FormulaTV (Noiz kontsultatua: 2023-11-01).
- ↑ (Gaztelaniaz) Madrid, Jose. (2021-01-11). «Vicente Vallés y Ángeles Blanco, el amor que se sembró en un plató de informativos» vanitatis.elconfidencial.com (Noiz kontsultatua: 2023-11-01).
- ↑ Alberto. (13 de marzo de 2011). «Caras extremeñas en la TV» Extremadurate.
- ↑ «Ángeles Blanco» La esfera de los libros.
- ↑ Baile oficial de caras en Informativos Mediaset: Marta Fernández desaparece. 23 de diciembre de 2016.
- ↑ (Gaztelaniaz) «Ángeles Blanco» Telecinco (Noiz kontsultatua: 2023-11-01).
- ↑ El top de parejas que se lleva el amor a la oficina - Vicente Vallés (52) y ... | loc | EL MUNDO. .
- ↑ (Gaztelaniaz) ALFONSO, CLARA. (2022-12-13). «Quién es Ángeles Blanco, la mujer de Vicente Vallés con la que mantiene «una firme rivalidad»» Las Provincias (Noiz kontsultatua: 2023-11-01).
Kanpo estekak
aldatu
Datuak: Q5393506
