Vincenten angina

Amigdalen ultzerazioa sortzen duen angina akutua

Vincenten angina edo gingibitis ultzeroso nekrotizatzailea bakterio batzuek ahoan eragindako infekzioa da, lesio ultzerosoak eta hantura sortzen dituena hortzoietan eta amigdaletan. Garai batean ohikoa izan arren, gaur egun gaixotasun arraroa da, ahoaren higienea asko hobetu delako herrialde gehienetan. Urria izan arren, larria izan daiteke, eta era egokian tratatu ezean ondorio gaiztoak eragin ditzake (besteak beste, bakteriemia eta infekzio metastasiko barreiatua). Hyacinthe Vincent medikuaren omenez du izen hori.

Vincenten angina
Deskribapena
Mota Gingibitisa, Fusobacterium infections (en) Itzuli
Necrotizing periodontal diseases (en) Itzuli
Espezialitatea infektologia
oral medicine (en) Itzuli
Arrazoia(k) infekzio
Identifikatzaileak
GNS-10-MK A69.1
GNS-9-MK 101 eta 041.84
DiseasesDB 13866
MedlinePlus 001044
eMedicine 001044
MeSH D005892
Disease Ontology ID DOID:13924 eta DOID:3758
Ohar medikoa
Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

EtiologiaAldatu

Gaitz honen atzean bakterio anaerobio batzuk daude. Bi bakterioen elkarketak sortzen du kasu gehienetan gaixotasuna: Fusobacterium necrophorum eta Borrelia vincentii. Treponema generoko hainbat espiroketak ere Vincenten anginaren eragileak dira.

Tabakismoak, estresak eta aho-higienearen ezak gaitzaren agerpena errazten dute. Baita immunitate-sistemaren egoera ahulak ere.

Sintoma klinikoakAldatu

Honako hauek dira nagusiak:

DiagnostikoaAldatu

Ohiko sintomatologia duten gaixoei lagin bat hartzen zaie ahotik gaitzaren diagnostikoa baieztatzeko: isipu esteril batekin ahoan dauden lesio ultzerosoetatik lagin batzuk hartzen dira, eta frotis bat prestatzen da. Gram tindaketa aplikatu ostean ohiko bi patogenoen presentzia antzematen da: espiroketa Gram negatiboak (Borrelia) eta bazilo fusiforme luzeak, Gram negatiboak (Fusobacterium)

TratamenduaAldatu

Infekzioa sendatzeko ahoa ondo garbitu behar da irakuzketen bidez: ur gaziaren irakuzketak egiten dira, eta baita ur oxigenatuarenak ere. Odontologoek aho garbiketa sakona egin beharko dute, kaltetutako ehunak onera ekartzeko.

Antibiotikoen artean penizilina da aukerakoa.

Kanpo estekakAldatu