Venus lotan

Venus lotan edo Dresdeko Venusa Giorgione margolari italiarra 1510 inguruan egin zuen mitologiako margolan ospetsua da. Olio mihise gaineko teknikan egina Pizkunde eta Barrokoko garaietan gai ohikoa jasotzen du, Venus jainkosa etzanda lo egiten (Tiziano, Rubens). Dena dela, margolariaren teknika esker, lan honek eragin handia izan zuen. Giorgioneren azkenetariko margolana izan zen.[1]

Venus lotan
Giorgione - Sleeping Venus - Google Art Project 2.jpg
Jatorria
Sortzailea Giorgione, Tiziano eta Tiziano
Sorrera-urtea 1510(e)ko hamarkada
Jatorrizko izenburua Venere dormiente eta Sleeping Venus
Mugimendua Veneziako eskola
Goi Pizkundea
Ezaugarriak
Materiala(k) olio-pintura eta mihisea
Zabalera 1.750 milimetro
Altuera 1.085 milimetro
Genero artistikoa margolaritza mitologikoa eta biluzia
Egile-eskubideak jabetza publiko
Deskribapena
Kokapena
Lekua Gemäldegalerie Alte Meister
Italia
Venezia
Bilduma Staatliche Kunstsammlungen Dresden (en) Itzuli
Inbentarioa AM-185-PS01
Aurpegiak lasaitasuna azaltzen du.
Tizianoren Txakurtxoaren Venusak oso garbi adierazten du Giorgioneren eragina.

HistoriaAldatu

Ez dugu ezagutzen Giorgionek margotu zuen urte zehatza. Dirudienez berak lana bukatu gabe utzi zuen eta Tiziano izan omen zen zeruaren margoa bukatu zuena.[2] Urte askoa Tizianok egindako margolan baten kopia zela pentsatu zen; kopia horren egilea Sassoferrato izeneko margolaria izan zitekeen. Azkenean, Giovanni Morelli (1816-1891) kritikoak zehaztu zuen benetako egilea, XIX. mendean. Margolanaren ezagutzen den lehenengo kokapena Veneziako Casa Marcello izan zen. Ondoren, Ferraran eta Modenan agitzen zuen Esteko leinuaren eskuetara pasa zen. Familia horrek 1746an Saxoia etxeari saldu zion. Gaur egun Dresdenko Gemäldegalerie Alte Meisterren erakusten da.

DeskribapenaAldatu

Margolan handia da, 108,5 zm x 175 zm. Lanean neska gazte bat biluzik eta lotan, lasaitasun osoz, ikusten dugu. Emakumea kanpoaldean egotea benetako iraultza izan zen garaiko margolaritzan eta askoren ustez horrek arte modernoaren hasiera markatzen du. Neskaren formak eta atzean ikusten den paisaiarenak antzekoak dira baina koloreek bereizten dituzte. Hitz batek definitzen badu margolan hau hori oreka da, harmonia. Paisaia bukoliko batean neskaren axolagabekeriak, sentsualitateak oso erotismo dotorea transmititzen du.

Dena dela, margolariak distantzia jartzen du margotutako irudiarekin. Fenomeno hori ohikoa da Giorgioneren lanetan. Ikuspegi kontenplatiboa dago bai paisaiaren gainean baita ere emakumearen gainean. Emakumearen loa zuhurra da. Inguruan ikusten diren hostoek, bestetik, nahiko tono hotzak dituzte, ez tono beroak. Emakumea arropen eta ohialen gainean dago etzanda eta horien tolesak maisutasun handiz eginak daude.

Elementu erotikoakAldatu

Aipatutako distantzia horren barruan badira elementu sinboliko erotiko batzuk:

  • Eskuineko besoa altxatuta du eta horrek bere besape osoa erakusten digu, bere sexuaren sinboloa.
  • Ezkerreko eskua bere aluaren gainean dago jarrita.
  • Paisaiaren kurbek emakumeenak indartzen dituzte.

EraginakAldatu

Margolari askoren gainean eragin handia izan zuen margolan honek. Goian Tiziano (Txakurtxoaren Venusa) eta Rumbens aipatu baditugu, beste izen garrantzitsuak hauek dira: Velázquez, (Venus ispilukoa), Ingres eta Manet.

ErreferentziakAldatu

Kanpo estekakAldatu