Egunsenti Urrekara

Urrezko Egunsentia» orritik birbideratua)

Elkarte Popularra - Egunsenti Urrekara[1] (grezieraz: Λαϊκός Σύνδεσμος – Χρυσή Αυγή), Greziako eskuin-muturreko alderdi estremista da. Komunikabideek alderdi faxista eta neonazi moduan aurkezten dute askotan eta nahiz eta alderdiko ordezkariek hori gaitzetsi, ikur eta sinbologia nazia erabiltzen dute ekitaldi askotan.

Elkarte Popularra - Egunsenti Urrekara
Λαϊκός Σύνδεσμος – Χρυσή Αυγή
Presidentea Nikolaos Michaloliakos
Bozeramailea Ilias Kasidiaris
Sorrera 1980ko urtarrilaren 1a (40 urte)
Egoitza nagusia Atenas
Ideologia politikoa Neonazismo, euroeszeptizismo
Nazioarteko afiliazioa Bakearen eta Askatasunaren Aldeko Aliantza
http://xryshaygh.com/

2012ko maiatzean Grezian egindako hauteskundeetan lehen aldiz parlamentuan sartzea lortu zuten botoen %7 eta 21 eserleku eskuratuz[2]. Hilabete beranduago errepikatutako hauteskundeetan hiru eserleku galdu eta 18 lortu zuten.

Greziak bizi duen krisialdi ekonomiko eta politikoak eta gobernuari defizita murrizteko egitera behartutako murrizketek, herritarren haserrea piztu eta alderdi txikien onarpena areagotu dute, batez ere, Urrezko Egunsentiaren muturreko ideologia bezalako alderdiena.

Irailean egindako inkesta batek herritarren babesa hilabete batzuk lehenago eginiko hauteskundeetan baino are handiagoa zela erakutsi zuen, inkestan parte hartu zutenen %20 baino gehiago[3].

Emaitzak hauteskundeetanAldatu

Greziako parlamenturako hauteskundeak
Urtea botoen %a legebiltzarkideak
2009ko Greziako hauteskundeak %0,3 0 (300etik)
2012ko maiatzeko Greziako hauteskundeak %7,0 21 (300etik)
2012ko ekaineko Greziako hauteskundeak %6,9 18 (300etik)

Ikus, gaineraAldatu

ErreferentziakAldatu

  1. Berria. Estilo Liburua. .
  2. http://www.parties-and-elections.eu/greece.html Parties-and-elections webgunea
  3. http://www.guardian.co.uk/world/2012/sep/28/greek-police-victims-neo-nazi?CMP=twt_gu Greek police send crime victims to neo-Nazi 'protectors' The Guardian egunkariko albistea.

Kanpo estekakAldatu


  Artikulu hau Greziako politikari buruzko zirriborroa da. Wikipedia lagun dezakezu edukia osatuz.