Unst

Unst uhartea Shetlandak uhartediko hirugarren uhartea da eta Eskoziako iparraldeen dagoena. 2013ko erroldaren arabera 632 biztanle ditu eta herrixka handiena Baltasound da.

Unst
Bertako izena	Unst Ǫmstr
Geografia
Kokapena	Eskoziako ipar-ekialdean.
Uhartedia	Shetlandak
Azalera	120.68 km²
Punturik garaiena	Saxa Vord
Politika
Herrialdea	Shetlandak, Eskozia Erresuma Batua
Gizartea
Biztanleria	632 biz. (2013)
Talde etnikoak	Eskoziarrak.

Izenaren etimologia ezezaguna da.

Geografia

Yell uhartetik ipar ekialdean kokaturik dago, Norvegiako mendebaldeko kostaldetik 300 km-tara.

Historia

Vikingoen aztarnak iritsi dira gaur egun arte, Haroldswicken egonda itsasontzi baten hondarrak. Bestela, XII. mendea baino lehenagoko kapera kristauak zutik daude oraindik uhartean: St Olaf's Chapel, Lund eta Our Lady's Kirk Framgord-en (Sandwick), hego-ekialdeko kostaldean. Norse estiloko hilarriak daude Lund eta Framgord-en, gurutzedunak.

James Hepburn sheriffak 1567an borrokatu zuen bere etsaien aurka, ondoren Norvegiara alde egin zuelarik. Laurence Bruce hurrengo sheriffak Muness gaztelua eraiki zuen 1598an. Robert Louis Stevenson idazlearen aita eta osaba izan ziren Muckle Flugga-ko itsasargiaren ingeniari nagusiak, ipar-mendebaldeko kostaldean. Stevensonek Unst bisitatu zuen, eta esaten dutenez bertan "Altxorraren Uhartea" bere liburu famatua idazteko inspiratu zen.

1950eko hamarkadan Erving Goffman soziologo kanadarrak ikerketa etnografikoa egin zuen uhartean bere dokotre tesirako.

2007ko urtarrilaren 7an lurrikara batek uhartea jo zuen.

Ondasun nabarmenak

• 
  Muness Castle.
• 
  Haroldswickeko hondartza.
• 
  Muckle Fulgako itsasargia.

Kanpo estekak

• Datuak: Q754867
• Multimedia: Unst / Q754867