Ungavako badia

Ungavako badia
Ungavako badia
Datu orokorrak
Mota	badia
Luzera	320 km
Zabalera	260 km
Azalera	50.000 km²
Sakonera	150 m
Geografia
Koordenatuak	59°30′N 67°15′W / 59.5°N 67.25°W
Estatu burujabe	Kanada
Territory of Canada	Nunavut
Ur-gorputza	Ozeano Artikoa
Hidrografia
Betebidea	ikusi Koksoak (ibaia); Rivière aux Feuilles; Rivière à la Baleine (en) ; Rivière Arnaud (en) ; Rivière Qurlutuq (en) ; Rivière False (en) ; Rivière Marralik (en) ; Rivière George (en) ; Rivière Alluviaq (en) ; Rivière Koroc (en) ; Rivière Brochant (en) ; Rivière Saint-Fond (en) ; Rivière Lefroy (en) ;

Ungavako badia (frantsesez: Baie d'Ungava, bɛ d‿œ̃ɡava ahoskatua; ingelesez: Ungava Bay; inuiteraz: ᐅᖓᕙ ᑲᖏᖅᓗᒃ, ungava kangiqluk) Kanadako ipar-ekialdeko Atlantikoko kostaldeko itsas adarra, Nunavut eta Baffin banatzen dituena.

Geografia aldatu

Badiak karratu itxura du, eta erpinak biribilduta daude. 33.000 km²-ko azalera du gutxi gorabehera, 260 kilometroko bokalea eta 280 kilometroko luzera. Oro har, sakonera txikia du, nahiz eta Ozeano Atlantikoaren mugan 300 metroko sakonerara iritsi.

Badiaren ahoaren erdian Akpatok uhartea (903 km²) dago, eta, bere barnean, ibaiertzetik hurbil uharte txiki asko daude, handienak Nipper, Tiercel, Qikirtajuaq, Ivik eta, badiatik kanpo, ekialdeko mugaren parean, Killining uhartea direlarik. 60 ° N paraleloaren iparraldean dauden uharteak Nunavut lurraldearen zati dira, hegoaldeko uharte txikiak Quebecekoak diren bitartean.

Ungavako badia inuit herrixka ugariz inguratuta dago, Kuujjuaq handiena delarik, Koksoak ibaiaren bokalean kokatua.

Itsasladiak aldatu

Ungavako badiaren hego-mendebaldeko izkinak, Fundyko badiarekin batera, munduko itsasaldirik handiena edo altuena du.^[1] Iturri batzuen arabera, udaberriko itsasaldiak 17 metroko altuera du Leaf ibaiaren bokalean. Badiako itsasaldien energia aprobetxatzeko ahaleginak egin dituzte, baina zaila da klimaren gogortasunagatik eta badia izotzik gabe dagoelako urtearen zati txiki batean.

Klima aldatu

Nahiz eta Ozeano Atlantiko irekitik nahiko gertu egon (Hudson itsasarteak bakarrik bereizten ditu), Ungavako badia, normalean, Ozeano Artikoaren zatitzat hartzen da, inguratzen duen lurrak klima oso hotza duelako. Labradorko itsaslasterraren eraginez, udak hotzegiak dira zuhaitzak hazteko, eta badia inguratzen duen lur guztia tundra da. Normalean, udan, Kuujjuaqen, Koksoak ibaitik 20 km iparraldera, tenperaturak 7 °C ingurukoak izaten dira, eta neguko tenperaturak, berriz, -20 °C ingurukoak. Prezipitazioaren batez bestekoa 400-450 mm ingurukoa da urteko, gehienak udan behera egindakoak.

Ekonomia aldatu

Iraganean burdin minerala ustiatu izan da, baina nahiz eta mineral maila altua izan, XX. mendearen hasieran garraio merkearen ezintasunak meategi horien desagerpena ekarri zuen. Inuiten ohiko ehiza-praktikak nagusi dira oraindik eskualdeko jardueran, abentura-turismoarekin batera.

Erreferentziak aldatu

↑ (Ingelesez) Charles T. O'Reilly, Ron Solvason, & Christian Solomon. (2005). J.A Percy, A.J. Evans, P.G. Wells & S.J. Rolston ed. Resolving the World's largest tides. .

Kanpo estekak aldatu

Datuak: Q1165951
Multimedia: Ungava Bay / Q1165951

[1] (Ingelesez) Charles T. O'Reilly, Ron Solvason, & Christian Solomon. (2005). J.A Percy, A.J. Evans, P.G. Wells & S.J. Rolston ed. Resolving the World's largest tides. .

[1]